Inagurasyon ni Noynoy Aquino habang nakaburol si Conrad Poe

NGAYONG araw na ito ay manunumpa sa Quirino Granstand bilang ika-15 presidente ng Pilipinas.

At showbiz na showbiz ito hindi dahil sa hindi siniseryoso ng mga tao ang showbiz kundi dahil madrama, makahulugan, malalim, malawak, makulay, madula, matunggali at marami pang pang-uri na katangian ng showbiz.

Showbiz na showbiz din ang kamatayan ni Conrad Poe noong Sabado sa Meycauayan, Bulacan.

Si Conrad Poe na kapatid sa ama ni Fernando Poe, Jr.

Dahil ang ama ni FPJ, si Fernando Poe, Sr. ay madalas makapareha si Patricia Mijares kaya umusbong ang pag-iibigan sa kanilang pagitan at si Conrad ang naging bunga nito.

Si Conrad Poe na parang cowboy kung magbihis at pumorma kaya naman ang tingin ng mga tao ay parang kakatwa at malayung-malayo siya sa kanyang kuya kaya inihahanay siya sa mga tulad nina Rey Roldan, Pablo Vituoso, Danny Riel at iba pang kawangis nila.

***

Noong Sabado ay nasa Nueva Ecija si Zeny Poe, ang itinuturing na misis ng aktor.

“Nag-anak kasi ako sa kasal sa Nueva Ecija. We were supposed to go there together dahil siya naman talaga ang ninong at hindi ako. No’ng early Friday morning, pinuntahan ko siya sa FPJ Studios sa Del Monte Avenue sa may Sienna College para itanong kung talagang hindi siya makakasama.

“Basta ang sabi lang niya ay ako na lang ang mag-anak sa kasal. Pero ang ipinagtataka ko, yakap siya nang yakap sa akin. Halik nang halik. Sabi, ‘heart, ingat ka. Take care of yourself.’ Tapos, hahalik na naman siya sa akin. Tapos, yayakap siya nang mahigpit akin.

“Bawat minuto, bago ako umalis, yakap siya nang yakap. Balik siya nang balik sa akin bago ako sumakay sa kotse bago kami tumuloy sa Nueva Ecija,” walang kagatul-gatol na pahayag ni Zeny.

Habang inaalala ito ng dating aktres na ito, may sumagimsim na katotohanan sa kanyang imahinasyon. “‘Yon pala, huli na naming pagsasama ‘yon. Kung alam ko lang, hindi na ako tumuloy sa Nueva Ecija,” wika ni Zeny.

***

Si Conrad naman ay nasa kanyang kuwarto habang nakikipagsaya si Zeny sa kasalan.

Pero kinabukasan, ala una ng hapon ay hindi pa ani Zeny nagigising si Conrad.

“Nagtaka ‘yong isang kasama niya sa bahay. Kaya ang ginawa, tiningnan niya sa kuwarto pero nakahiga pa rin. Kaya para masigurong gising na si Conrad, iblinag niya nang malakas ‘yong pinto.

“Aba, hindi na raw nag-react si Conrad kaya ang ginawa ng kasama niya, tiningnan niya nang malapitan si Conrad at hinipo pero matigas na raw si Conrad.

“Tapos, wala nang pulso. ‘Yon, wala na talaga siya,” salaysay ni Zeny.

***

Nalaman anya niya ani Zeny na namatay na ang kanyang mahal nang tumawag sa kanya ang character actor na si Rey Roldan.

Si Rey Roldan na kapatid ni Roland Ledesma.

Si Rey Roldan na madalas magdamit na parang cowboy at kung minsan, nagtatanghal na para siyang tunay na cowboy, may baril sa tagiliran at nakasombrero ng malapad.

“Na-shock ako. E, ang lakas-lakas pa ng asawa ko nang umalis ako. Hindi ako agad nakapagsalita. Tapos, para akong nauupos na kandila. Buti at hindi ako hinimatay. Kung nandito ako, magagamot ko pa siya,” wika ni Zeny na hilam na hilam na sa luha.

Nakaratay ngayon ang mga labi ni Conrad sa Arlington Memorial Chapels.

Siya ay 62 taong gulang sa mga sandaling ito.

Star Patrol (for Saksi, June 30, 2010)

Boy Villasanta

Ang panunumpa ni Noynoy Aquino ngayong araw na ito habang pinaglalamayan si Conrad Poe

ISANG Poe na naman ang nalagas sa tangkay ng family tree ng mga Poe.

Pagkatapos sumakabilang-buhay si Fernando Poe, Jr. noong 2004 ay ang kanyang kapatid naman sa ama na si Conrad Poe ang pumanaw noong Sabado sa Meycauayan, Bulacan.

Si Conrad Poe na anak ni Fernando Poe, Sr. kay Patricia Mijares.

Madalas maging katambal ni Fernando si Patricia kaya naman umusbong ang pag-iibigan sa kanilang pagitan at naging bunga nga si Conrad.

Nang mamatay si Senior ay kusang ipinatawag ni Bessie Kelly Poe, asawang tunay at legal ni Senior si Conrad at pinatira sa kanilang bahay kasama ang kanyang mga anak at itinuring na totoong supling ang kasasampang bata.

***

Mag-isa lang noong Sabado sa Meycauayan si Conrad kasama ang kanyang ilang kasambahay.

Nasa Nueva Ecija kasi ang kanyang esposang si Zeny Poe.

“Nag-anak kasi ako sa kasal sa Nueva Ecija. We were supposed to go there together dahil siya naman talaga ang ninong at hindi ako. No’ng early Friday morning, pinuntahan ko siya sa FPJ Studios sa Del Monte Avenue sa may Sienna College para itanong kung talagang hindi siya makakasama.

“Basta ang sabi lang niya ay ako na lang ang mag-anak sa kasal. Pero ang ipinagtataka ko, yakap siya nang yakap sa akin. Halik nang halik. Sabi, ‘heart, ingat ka. Take care of yourself.’ Tapos, hahalik na naman siya sa akin. Tapos, yayakap siya nang mahigpit akin.

“Bawat minuto, bago ako umalis, yakap siya nang yakap. Balik siya nang balik sa akin bago ako sumakay sa kotse bago kami tumuloy sa Nueva Ecija,” walang kagatul-gatol na pahayag ni Zeny.

Habang inaalala ito ng dating aktres na ito, may sumagimsim na katotohanan sa kanyang imahinasyon. “‘Yon pala, huli na naming pagsasama ‘yon. Kung alam ko lang, hindi na ako tumuloy sa Nueva Ecija,” wika ni Zeny.

***

“Kung nasa bahay lang ako no’n, hindi mamamatay si Conrad. Mabibigyan ko siya ng gamot. Maaalagaan ko siya. Matitingnan ko siya. Nakakalungkot ang nangyari.

“Sana ay hindi na ako pumunta ng Nueva Ecija kaya lang, commitment namin ‘yon. Kasama ko pa nga ang isa kong kaibigan pero siya rin, na-shock.

“Ang sama-sama ng loob ko ngayon. Sana ay may makausap ako ngayon na maraming tao para mawala itong kalungkutan ko. Kailangan ko ang mga kaibigan ko ngayon.

“Sana ay nandito na lahat ang mga kaibigan namin. Ganyan talaga ang buhay pero hanggang kailan? Sana ay maganda at maayos na ang buhay ng lahat kaya lang ay hindi talaga mawawala ang ganitong kalagayan ng tao,” pahayag ni Zeny.

***

Parang showbiz ang kamatayan ni Conrad.

Showbiz hindi dahil sa pangkaraniwang kahulugan ng mga tao sa salitang showbiz na paimbabaw at plastic kundi showbiz na showbiz dahil makulay, matunggali, malalim, malawak, makahulugan, madrama, madula at iba pang mga pang-uri na nagsasalamin sa buhay.

Ganito ang kuwento ni Zeny:

“Nasa kanyang kuwarto si habang nasa kasalan ko.

“Mag-isa siyang natulog. Kinabukasan ng hapon ay ala una na ay hindi pa nagigising si Conrad.

“Nagtaka ‘yong isang kasama niya sa bahay. Kaya ang ginawa, tiningnan niya sa kuwarto pero nakahiga pa rin. Kaya para masigurong gising na si Conrad, iblinag niya nang malakas ‘yong pinto.

“Aba, hindi na raw nag-react si Conrad kaya ang ginawa ng kasama niya, tiningnan niya nang malapitan si Conrad at hinipo pero matigas na raw si Conrad.

“Tapos, wala nang pulso. ‘Yon, wala na talaga siya,” salaysay ni Zeny.

***

Nalaman anya niya ani Zeny na namatay na ang kanyang mahal nang tumawag sa kanya ang character actor na si Rey Roldan.

Si Rey Roldan na kapatid ni Roland Ledesma.

Si Rey Roldan na madalas magdamit na parang cowboy at kung minsan, nagtatanghal na para siyang tunay na cowboy, may baril sa tagiliran at nakasombrero ng malapad.

“Na-shock ako. E, ang lakas-lakas pa ng asawa ko nang umalis ako. Hindi ako agad nakapagsalita. Tapos, para akong nauupos na kandila. Buti at hindi ako hinimatay. Kung nandito ako, magagamot ko pa siya,” wika ni Zeny na hilam na hilam na sa luha.

Nakaratay ngayon ang mga labi ni Conrad sa Arlington Memorial Chapels.

Siya ay 62 taong gulang sa mga sandaling ito.

Sabi ni Mark Gil, para kay Andi “Agua Bendita” Eigenmann ang perang tinatamasa nito

IPINAGMAMALAKI ni Mark Gil ang kanyang anak na si Andi Eigenmann, ang nag-iisa nilang anak ni Jaclyn Jose.

Parang kung kailan lang nang namumuhay bilang mag-asawa sina Mark at Jaclyn sa tapat ng ABS-CBN noong panahon ng administrasyon ni Cory Aquino.

Ilang hakbang na lang ay ABS-CBN na mula sa bahay nina Gil at Jose.

Kapitbahay pa noon ng “live-in partner” si Lino Brocka.

Madalas nga kaming magpunta sa compound nina Mark, Jaclyn at Lino kasama ang kontrobersyal at sikat na sikat na PR-Manager, TV host at manunulat na si Boy C. de Guia.

Magkakasama kami nina Lhar Santiago, Danny T. Vibas, Pilar Mateo, Ronald Mendoza, Rino Fernan Silverio, Carol Matias, Josie Mañago at Andy Garcia pag binibisita namin si Brocka at makikita namin—pag nasa labas ng kanilang tahanan—sina Mark at Jaclyn.

Larawan ang magkasintahan ng isang perpektong pamilya lalo na at kaaanak pa lang noon si Andi—isang sanggol na parang manyika.

***

Ngayon ay dalagang-dalaga na si Eigenmann at popular na popular nang aktres ng ABS-CBN.

Wala na sa compound na ‘yon sina Jose at Andi kundi nasa may La Vista na sa may Katipunan Avenue.

At matagal nang hiwalay sina Jane Guck, tunay na pangalan ni Jaclyn at Ralph Eigenmann, tunay na pangalan ni Mark.

Ngayon ay may sarili nang mundo si Jaclyn gayundin si Andi.

May iba na ring pamilya si Mark.

Humahakot ng mga manonood at maraming advertisers ang “Agua Bendita”ni Andi at sina Mark at Jaclyn ay patuloy na namumukadkad ang mga propesyon sa pag-arte.

***

Nang magkita kami ni Gil kamakailan, kinumusta namin si Andi.

“’Yon, she’s already rich,” pahayag ni Mark.

Binabahaginan ba naman siya ng kayamanan ng anak?

“No. Para sa kanya ‘yon. She deserves it. Para sa kanyang future ‘yon at hindi kami umaasa sa kanya,” sabi ni Mark.

Maganda rin ang pagsasamahan ng mga anak ni Gil sa ibang babae—tulad nina Gabby Eigenmann, anak niya kay Irene Celebre at Sid Lucero, anak niya kay Bing Pimentel.

“I am a very contended dad to my children,” pagmamalaki ni Mark na kahit hindi na bumabata ay talagang bakas pa rin ang kamachuhan at kaguwapuhan.

***

Samantala, ang isa pang bakas ang kagandahan kahit hindi na rin bumabata ay si Gina Pareño.

At lola na ring tumataginting ang mahusay na aktres.

Kasi nga’y ang kanyang anak na si Raquel Tajonera ay may supling na rin.

Kaya nga generational na rin ang pamilya ni Gina.

Si Raquel ay naging artista rin nang sumali siya sa “StarBrighters” ni Boy de Guia pero sandali lang ‘yon at naging pribado na ang buhay ni Tajonera.

May anak na rin si Raquel, si Candice na tapos na rin ng kolehiyo.

Organizational Communications ang tinapos na kurso ni Candice.

Ano kamo ang organizational communication?

Ano pa, e, isang sangay ng mass communication kung saan ang mga estudyante ay nagpapakadalubhasa sa Public Relations of PR o kaya ay mga gawaing may kaugnayan sa maramihang pakikipag-ugnayan kabilang na rin ang pag-oorganisa ng mga presscon, events, convention, seminar at iba pang pagtitipun-tipon na may lagusan ng mga impormasyon.

Star Patrol (for Saksi, June 29, 2010)

Boy Villasanta

Andi “Agua Bendita” Eigenmann, mayaman na raw sabi ni Mark Gil

ANG buhay nga naman.

Hindi natin masasabi ang kapalaran ng bawat isa sa atin bagamat mahihinuha natin ang landas na puwedeng tahakin ng isa’t isa batay sa mga kasalukuyang mithiin at gawain.

Masasabi ba nating heto na si Andi Eigenmann, ang dating parang manikang anak nina Mark Gil at Jaclyn Jose.

Nang paslit pa si Andi, kilalang gumaganap bilang “Agua” at “Bendita” sa sikat na sikat na “Agua Bendita” ng ABS-CBN, talagang ang sarap niyang laruin.

Para siyang hindi tao kundi isang laruan at anghel sa kanyang tahanan at pamilya.

***

Noon ay sa may tapat lang ng ABS-CBN nakatira si Andi kasama ang kanyang mga magulang na sina Jaclyn at Mark.

May larawan pa nga kami ni Andi nang siya ay isang taong gulang pa lang na ibinigay sa amin ni Jane Guck, ang tunay na pangalan ni Jose.

Lagi kaming kausap noon ni Ralph Eigenmann, ang tunay na pangalan ni Mark at ama ni Andi.

Gayunman, naging masalimuot ang pagsasama nina Jane at Ralph sa pribado nilang buhay at sila ay naghiwalay kinalaunan.

Nakakita ng bagong pag-ibig si Mark at ngayon ay namumuhay ng isan tahimik na personal na pakikipagrelasyon samantalang nag-iisa pa rin sa buhay si Jaclyn bagamat may mga manliligaw.

At daalgang-dalaga na si Andi at popular na popular na.

***

Nang huli naming puntahan si Jaclyn sa kanyang bahay sa may La Vista sa may Katipunan Avenue sa Quezon City, malaking bulas na si Andi at artistang-artista na kung kumilos.

Nang makita naman namin si Ralph ay tinanong namin sa kanya si Andi.

“’Yon, she’s already rich,” pahayag ni Mark.

Binabahaginan ba naman siya ng kayamanan ng anak?

“No. Para sa kanya ‘yon. She deserves it. Para sa kanyang future ‘yon at hindi kami umaasa sa kanya,” sabi ni Mark.

Maganda rin ang pagsasamahan ng mga anak ni Gil sa ibang babae—tulad nina Gabby Eigenmann, anak niya kay Irene Celebre at Sid Lucero, anak niya kay Bing Pimentel.

“I am a very contended dad to my children,” pagmamalaki ni Mark na kahit hindi na bumabata ay talagang bakas pa rin ang kamachuhan at kaguwapuhan.

***

Si Gina Pareño naman ay larawan din ng isang kontentong ina at lola.

Aba’y three generation na rin sina Gina, ang kanyang anak na si Raquel Tajonera at ang anak nitong si Candice.

Inianak ni Gina si Raquel nang panahong tumigil siya sa pag-aartista at naglagi sa Pulilan, Bulacan sa piling ng ama ng kanyang anak.

Pero hindi rin natagalan ay nagbalik-eksena si Pareño at nagbigay ito sa kanya ng marami pang pagkakataon na maipakita ang kanyang talento sa pag-arte.

Kaya nga nais ding magmana ni Raquel ng propesyon ng kanyang ina.

Nang hawak pa si Gina ni Boy C. de Guia ay pinag-“StarBrighters” ng popular na TV host, PR-Manager at manunulat si Raquel pero hindi naman natagalan ang dalagita dahil nag-aral at nagpunta na sa ibang bansa.

Ngayon ay nakapagparal na si Tajonera at may diploma na si Candice.

Nagtapos na ang apo ni Pareño ng tinatawag na Organizational Communication na ang ibig sabihin ay kursong nagpapatungkol sa pakikipag-ugnayan sa mas nakararaming mamamayan, parang isang sangay ng mass communication.

Kabilang sa mga trabahong puwedeng pasukan ng Org Comm ay Public Relations o kaya ay pag-oorganisa ng mga kumbensyon, palihan, events at iba pang maramihang pakikipagtalastasan.

Gerald Anderson at Kim Chiu, Prince and Princess of Philippine Movies

KUNG may King and Queen of Philippine Movies tulad nina John Lloyd Cruz at Sarah Geronimo sa ngalan ng Box-Office, may Prince and Princess din ng Philippine Cinema sa katauhan nina Gerald Anderson at Kim Chiu.

Sina Gerald at Kim na ang siguradong may hawak ng korona sa opisyal na paggagawad sa kanila ng Guillermo Mendoza Memorial Scholarship Foundation, Inc. Kamakailan.

Hindi lang ito gawa-gawa ng makinarya ng publisidad kundi talagang mula sa isang organisasyon na matagal nang nagbibigay ng ganitong parangal.

Tinanggap kamakailan sina Anderson at Chiu ang parangal tulad rin ng pagtanggap nina John Lloyd, bagamat wala si Sarah, sa kanilang tropeyo ng karangalan.

***

Hindi parang propesyunal na mga artistang magkatambal sina Gerald at Kim dahil talaga namang nagnanaknak ang kanilang karomantikuhan sa isa’t isa at kung paniniwalaan ang kanilang mga kilos sa bawat isa, aba’y nagmamahal ngang tuna yang dalawa.

Nang nagsasalita pa si Kim sa harap ng mikropono at nagpapasalamat sa pagbibigay sa kanya ng GMMSF ng gawad, matamang naghihintay lang si Gerald sa ibaba ng entabaldo at hinihintay lang matapos magtalumpati ang kapareha at nang matapos na nga ang pananalita ng batang aktres ay inalalayan pa ito ng batang aktor pagbaba sa tanghalan.

Pero pagkatapos na ihatid ni Gerald sa upuan si Kim ay parang na-conscious ang binata sa kanyang pagbibigay-pansin sa dalaga.

Gayunman, mula sa pagdating nila nang sabay, pag-upo nang magkatabi sa isang hanay ng mga upuan, pag-uusap nang masinsinan, pagpapakuha ng mga larawan nang magkadikit ang mga pisngi at magkarugtong ang mga ngiti, magkasabay ring umalis ang dalawa.

Tunay ngang magkatambal sa loob at labas ng showbiz sina Kimerald.

***

Ang isa pang gumapi sa kamalayan ng mga tao sa bulwagan ay ang kasimpatikuhan ni Jericho Rosales.

Siya ang binansagang Most Promising Singer.

Hindi kumukupas ang panghalina ni Jericho sa madla lalo na ang kanyang mga ngiti at magalang na pakikipagkapwa kaya naman malayo pa ang mararating ng batang aktor na ito.

Nang kumanta siya ay lalo pang umigting ang paghanga ng mga tao sa kanya.

Ayon kay Echo, may nagpasaring pa sa kanya nang siya ay nagsisimulang umawit.

Na para bang sinasabing anong karapatan niya sa pagkanta.

Kahit nga sa Genesis Entertainment nina Gary Valenciano at Angeli Pangilinan ay nag-audition pa ang isa sa mga kinilalang Hunks noon kasama si Piolo Pascual, Bernard Palanca, Carlos Agassi at Diether Ocampo.

Ngayon ay pinapatunayan ni Rosales na kahit saan, kahit kailan, kahit sino at kahit siya nag-iisa ay papatok at aariba siya.

***

Hindi naman naitsa-puwera ang GMA Network sa pagpili ng GMMSF sa magagaling at may mga tagasubaybay na mga bituin sa radyo, telebisyon, musika at pelikula.

Hindi ibig sabihin na sina Cruz at Geronimo, Anderson at Chiu ay taga-ABS-CBN ay hindi na mabibigyan ng atensyon ang mga taga-Channel 7.

No, no, no, no.

Kaya nga hinirang na Love Team of the Year sina Dingdong Dantes at Marian Rivera.

Hindi nga lang ibig sabihin nito ay nanguna sila sa takilya kundi sa batayang kolektibo ng mga miyembro ng grupo ng Guillermo dahil kahit na nga sino at kahit na alin ay puwede nang magbigay ng mga parangal sa panahong ito.

Ultimong magbobote o magtitinda ng gulay ay puwede nang maghatag ng parangal.

Nanalo ring Most Promising Female Singer si Frencheska Farr, ang bituing nanalo sa “Who Will Be the Next Big Star?” ng GMA Network kamakailan at ipinakilala sa musical na “Emir” ng Film Development Academy of the Philippines at Cultural Center of the Philippines.

Kaya kahit na taga-ABS-CBN pa, Intercontinental Broadcasting Corporation pa o Regal Entertainment o QTV Channel 11, Viva Films o Star Cinema, bastat nangunguna sa pagtangkilik ng masa, hala at bibigay ng pagkilala ng Guillermo Mendoza Memorial Scholarship Foundation.

***

Si Pokwang ang nawagi sa Bert “Tawa” Marcelo Award bilang pagkilala sa kakayahan ng aktres sa pagpapatawa.

May maganda at nakakintrigang kuwento si Pokwang kaugnay sa kanyang pagiging dating mahirap.

“Noon, pag nanonood kami ng TV sa kapitbahay, pinagsasarhan kami ng bintana. Tapos, lilipat kami sa kabilang bintana. Tapos, pagsasarhan na naman kami. Tapos, gano’n din sa kabila. Hanggang natatapos ko ang panonood pero sa iba’t ibang binata,” pahayag ni Pokwang na umani ng halakhak sa mga manonoood.

Si Ai Ai de la Alas naman ang nagwagi sa Best Comedy at nakakapagtaka kung bakit pagkaalis ni Pokwang ay saka naman dumating si Ai Ai sa bulwagan.

Ayaw ba nilang magkasama sila sa isang lugar o sadyang nahuli lang si de las Alas dahil sa may pinuntahan pa siya?

Star Patrol (for Saksi, June 28, 2010)

Boy Villasanta

Gerald Anderson at Kim Chiu, matamis ang titig sa isa’t isa

KUNG nandoon lang kayo sa loob sa Carlos P. Romulo Auditorium sa ikaapat na papapag ng RCBC Plaza sa Ayala Avenue at panulukan ng Buendia Avenue, tiyak na kikiligin kayo sa katamisan ng mga ngiti sa isa’t isa nina Gerald Anderson at Kim Chiu.

Para ngang babaha ng matamis na bao sa bulwagan habang ang dalawa ay magkasama.

Mula pa sa pagpasok ay talagang larawan na ng magiting na magkasintahan kahit man lang sa pinilakang tabing sina Kim at Gerald.

Nang iluwa sila ng elevator ay simula na ng paghiyaw at pagtili ng mga tao sa kanila.

Panay ang klik ng mga kamera at pagtutok ng mga telebisyon sa kanilang pagdating.

Nakaalalay si Anderson kay Chiu samantalang parang prinsesa si Kim sa kanyang pag-abresiyete sa binata.

***

Sila nga ang Prince and Princess of Philippine Movies sa departamento ng pagkita sa takilya ng kanilang pelikula at paramihan ng manonood ng kanilang mga TV show at pagtatanghal sa anumang midyum.

Kung sina Sarah Geronimo at John Lloyd Cruz ang Queen and King of Philippine Movie sa Box-Office na usapin, ang dalawang bagets ang siyang prinsipe at prinsesa ng patalbugan sa kitaan sa takliya papunta sa lukbutan ng mga kapitalista.

Sina Gerald at Kim na ang siguradong may hawak ng korona sa opisyal na paggagawad sa kanila ng Guillermo Mendoza Memorial Scholarship Foundation, Inc. Kamakailan.

Hindi lang ito gawa-gawa ng makinarya ng publisidad kundi talagang mula sa isang organisasyon na matagal nang nagbibigay ng ganitong parangal.

Tinanggap kamakailan sina Anderson at Chiu ang parangal tulad rin ng pagtanggap nina John Lloyd, bagamat wala si Sarah, sa kanilang tropeyo ng karangalan.

***

Hindi parang propesyunal na mga artistang magkatambal sina Gerald at Kim dahil talaga namang nagnanaknak ang kanilang karomantikuhan sa isa’t isa at kung paniniwalaan ang kanilang mga kilos sa bawat isa, aba’y nagmamahal ngang tuna yang dalawa.

Nang nagsasalita pa si Kim sa harap ng mikropono at nagpapasalamat sa pagbibigay sa kanya ng GMMSF ng gawad, matamang naghihintay lang si Gerald sa ibaba ng entabaldo at hinihintay lang matapos magtalumpati ang kapareha at nang matapos na nga ang pananalita ng batang aktres ay inalalayan pa ito ng batang aktor pagbaba sa tanghalan.

Pero pagkatapos na ihatid ni Gerald sa upuan si Kim ay parang na-conscious ang binata sa kanyang pagbibigay-pansin sa dalaga.

Gayunman, mula sa pagdating nila nang sabay, pag-upo nang magkatabi sa isang hanay ng mga upuan, pag-uusap nang masinsinan, pagpapakuha ng mga larawan nang magkadikit ang mga pisngi at magkarugtong ang mga ngiti, magkasabay ring umalis ang dalawa.

Tunay ngang magkatambal sa loob at labas ng showbiz sina Kimerald.

***

Ang isa pang gumapi sa kamalayan ng mga tao sa bulwagan ay ang kasimpatikuhan ni Jericho Rosales.

Siya ang binansagang Most Promising Singer.

Hindi kumukupas ang panghalina ni Jericho sa madla lalo na ang kanyang mga ngiti at magalang na pakikipagkapwa kaya naman malayo pa ang mararating ng batang aktor na ito.

Nang kumanta siya ay lalo pang umigting ang paghanga ng mga tao sa kanya.

Ayon kay Echo, may nagpasaring pa sa kanya nang siya ay nagsisimulang umawit.

Na para bang sinasabing anong karapatan niya sa pagkanta.

Kahit nga sa Genesis Entertainment nina Gary Valenciano at Angeli Pangilinan ay nag-audition pa ang isa sa mga kinilalang Hunks noon kasama si Piolo Pascual, Bernard Palanca, Carlos Agassi at Diether Ocampo.

Ngayon ay pinapatunayan ni Rosales na kahit saan, kahit kailan, kahit sino at kahit siya nag-iisa ay papatok at aariba siya.

***

Hindi naman naitsa-puwera ang GMA Network sa pagpili ng GMMSF sa magagaling at may mga tagasubaybay na mga bituin sa radyo, telebisyon, musika at pelikula.

Hindi ibig sabihin na sina Cruz at Geronimo, Anderson at Chiu ay taga-ABS-CBN ay hindi na mabibigyan ng atensyon ang mga taga-Channel 7.

No, no, no, no.

Kaya nga hinirang na Love Team of the Year sina Dingdong Dantes at Marian Rivera.

Hindi nga lang ibig sabihin nito ay nanguna sila sa takilya kundi sa batayang kolektibo ng mga miyembro ng grupo ng Guillermo dahil kahit na nga sino at kahit na alin ay puwede nang magbigay ng mga parangal sa panahong ito.

Ultimong magbobote o magtitinda ng gulay ay puwede nang maghatag ng parangal.

Nanalo ring Most Promising Female Singer si Frencheska Farr, ang bituing nanalo sa “Who Will Be the Next Big Star?” ng GMA Network kamakailan at ipinakilala sa musical na “Emir” ng Film Development Academy of the Philippines at Cultural Center of the Philippines.

Kaya kahit na taga-ABS-CBN pa, Intercontinental Broadcasting Corporation pa o Regal Entertainment o QTV Channel 11, Viva Films o Star Cinema, bastat nangunguna sa pagtangkilik ng masa, hala at bibigay ng pagkilala ng Guillermo Mendoza Memorial Scholarship Foundation.

***

Si Pokwang ang nawagi sa Bert “Tawa” Marcelo Award bilang pagkilala sa kakayahan ng aktres sa pagpapatawa.

May maganda at nakakintrigang kuwento si Pokwang kaugnay sa kanyang pagiging dating mahirap.

“Noon, pag nanonood kami ng TV sa kapitbahay, pinagsasarhan kami ng bintana. Tapos, lilipat kami sa kabilang bintana. Tapos, pagsasarhan na naman kami. Tapos, gano’n din sa kabila. Hanggang natatapos ko ang panonood pero sa iba’t ibang binata,” pahayag ni Pokwang na umani ng halakhak sa mga manonoood.

Si Ai Ai de la Alas naman ang nagwagi sa Best Comedy at nakakapagtaka kung bakit pagkaalis ni Pokwang ay saka naman dumating si Ai Ai sa bulwagan.

Ayaw ba nilang magkasama sila sa isang lugar o sadyang nahuli lang si de las Alas dahil sa may pinuntahan pa siya?

John Lloyd Cruz, “inulila” ni Sarah Geronimo sa Box-Office King and Queen of Philippine Movies awards night

SINONG hindi makakaalala sa Guillermo Mendoza Memorial Scholarship Foundation ni Mrs. Corazon Samaniego?

Ang Guillermo Mendoza Memorial Scholarship Foundation na nadatnan na namin sa showbiz noong 1976.

Nagsisimula pa kami noon sa pagsusulat sa showbiz nang nalaman at nabalitaan na namin ang GMMSF.

Noon ay katunggali niya ang Box-Office King and Queen ni Paul Daquiz, ang isa sa mga nagpasimuno ng awards na ito para sa mga nagpapasok ng malalaking pera sa mga prodyuser ng pelikula.

Nawala na ang awards body ni Paul pero ang kay Mrs. Samaniego ay nandito pa rin.

Sa katunayan, nakakaapatnapu’t isang taon na ang kay Guillermo.

***

Kamakailan ay idinaos ang ika-41 Entertainment Awards ng GMMSF sa Carlos R. Romulo Auditorium sa RCBC Plaza sa Ayala Avenue at ang kinoronahang Hari at Reyna ng Box-Office ng Pelikulang Pilipino ngayong 2010 para sa taong 2009.

Si John Lloyd Cruz ang itinanghal na Box-Office King samantalang si Sarah Geronimo ang iprinoklamang Box-Office Queen.

Nang dumating si John Lloyd, naku, Diyos mio, parang nakawala sa hawla ang mga tao.

Iniluluwa pa lang si Cruz ng elevator sa 4^th Floor ng gusali, aba at hiyawan at tilian na ang mga tao.

Naharangan na ang aktor sa paglakad niya at hindi na siya makahakbang.

Kung hindi pa hinawan ng mga sekyu ng building ang mga tao ay hindi pa makakalagpas sa dami ng nag-aabang sa kanya si Lloydie.

***

Mag-isa lang siyang dumating bagamat marami pang artistang kabataan ang dumalo pero ibabalita namin sa inyo sila sa mga susunod na labas nitong Bomba Balita at Saksi sa Balita.

Nang abutin niya ang kanyang tropeyo ng karangalan ay inihandog niya it okay Sarah na wala sa kanyang tabi.

“Kung nasaan ka man sa Amerika, Sarah, ang award na ito ay para rin sa’yo. Hindi ko maaabot ang karangalang ito kung wala ka. Para sa atin ito,” mapagkumbabang pahayag ni John Lloyd na umani ng palakpak at tilian muli ng kanilang mga tagahanga.

Alam ba ninyo na sa 2011 ay may ipapalabas pang isang John Lloyd-Sarah film mula sa Star Cinema?

Talagang maganda ang ipinakikitang pagganap sa pinilakang tabing nina Cruz at Geronimo hindi lamang sa kritikal na nilalaman ng sining ng pagganap kundi kung paano ito tanggapin at tangkilikin ng mga tagasubaybay nila.

Sa dalawang magkakasunod na pelikula nina Lloydie at Sarah ay napatunayang may merkado sila na puwedeng hainan ng mga putahe na sila’y kasangkap.

***

Si John Lloyd rin ang nagwaging Film Actor para sa pelikulang “In My Life” ng Star Cinema.

Gayunman, katabla niya rito si Luis Manzano na gumanap din sa pelikulang ‘yon bilang kasintahan niyang bading sa obra.

Nang tanggapin nga ni Luis ang kanyang parangal ay nagbiruan pa sila ni John Lloyd na “mga bading silang magkasintahan.”

Pero siyempre’y ipapakita rin nilang laro lang ang lahat ng ito.

Nanalo rin si Vilma Santos bilang Film Actress of the Year para sa “In My Life” at si Manzano ang tumanggap ng karangalan.

“I would like to thank my mom for her support at sa kanyang mga Vilmanians,” sabi ni Lucky.

Star Patrol (for Saksi, June 27, 2010)

Boy Villasanta

John Lloyd Cruz, “iulila” ni Sarah Geronimo sa Box-Office King and Queen of Philippine Movies Entertainment Awards

SA ika-kung-ilang taong paghahatag ng Guillermo Mendoza Memorial Scholarship Foundation Entertainment Awards, si John Lloyd Cruz muli ang binigyan ng karangalan ng organisasyon na makakuha ng pinakamataas na parangal, ang Box-Office King of Philippine Movies para sa nakaraang taon ng 2009.

Iginawad kay John Lloyd ang karangalan kamakailan sa Carlos P. Romulo Auditorium sa RCBC Plaza sa Ayala Avenue.

Sunud-sunod na ang pagbibigay ng pagkilala sa aktor bilang Box-Office Actor.

Sa tinagal-tagal na ng GMMSF sa pagbibigay ng karangalan sa departamentong ito, laging si John Lloyd ang nagpapatunay na kaharian niya ito pagkatapos na pangibabawan ito nina Bong Revilla, Fernando Poe, Jr., Vic Sotto, Ramon Revilla at marami pang iba.

***

Sa loob ng maraming taon na nagpaparangal ang GMMSF sa pinakamabiling aktor at pelikula kabilang ang mga bituin sa telebisyon at musika, naging bantayog na ito sa larangang ito kahit na anupaman ang parametro o pamantayang sinusunod nito.

Kaya nga nawala na si Paul Daquiz sa kanyang pagbibigay ng parangal sa mga box-office stars ay nandito pa rin si Mrs. Corazon Samaniego sa kanyang GMMSF.

Dahil nakakaapatnapu’t isang taon na ang kanyang grupo at tumatagal pa.

Nang pumasok kami sa showbiz noong 1976 bilang peryodistang pampelikula ay nand’yan na si Samaniego at si Daquiz.

***

Kaya lang ay wala si Sarah Geronimo nang ipagkaloob kay John Lloyd ang Box-Office King Award samantang Box-Office Queen Award naman ang ibinigay kay Sarah.

Matagal na ring pinahahalgahan ng Guillermo ang kapangyarihan ni Geronimo na makapagpasok ng maraming pera sa lukbutan ng kanyang mga prodyuser.

Halos magkakasunod na taon nang kinikilala ng Guillermo ang aktres at mang-aawit sa kanyang kapangyarihan na maging Reyna ng Takilya pagkatapos nina Nora Aunor, Vilma Santos, Maricel Soriano, Sharon Cuneta, Judy Ann Santos at marami pang iba.

“Inulila” nga ni Sarah si Lloydie.

***

Mag-isa lang dumating si Cruz bagamat marami pang artistang kabataan ang dumalo pero ibabalita namin sa inyo sila sa mga susunod na labas nitong Saksi sa Balita at Bomba Balita.

Nang tanggapin niya ang kanyang tropeyo ng karangalan ay inihandog niya it okay Sarah na wala sa kanyang tabi.

“Kung nasaan ka man sa Amerika, Sarah, ang award na ito ay para rin sa’yo. Hindi ko maaabot ang karangalang ito kung wala ka. Para sa atin ito,” mapagkumbabang pahayag ni John Lloyd na umani ng palakpak at tilian muli ng kanilang mga tagahanga.

Alam ba ninyo na sa 2011 ay may ipapalabas pang isang John Lloyd-Sarah film mula sa Star Cinema?

Talagang maganda ang ipinakikitang pagganap sa pinilakang tabing nina Cruz at Geronimo hindi lamang sa kritikal na nilalaman ng sining ng pagganap kundi kung paano ito tanggapin at tangkilikin ng mga tagasubaybay nila.

Sa dalawang magkakasunod na pelikula nina Lloydie at Sarah ay napatunayang may merkado sila na puwedeng hainan ng mga putahe na sila’y kasangkap.

***

Si John Lloyd rin ang nagwaging Film Actor para sa pelikulang “In My Life” ng Star Cinema.

Gayunman, katabla niya rito si Luis Manzano na gumanap din sa pelikulang ‘yon bilang kasintahan niyang bading sa obra.

Nang tanggapin nga ni Luis ang kanyang parangal ay nagbiruan pa sila ni John Lloyd na “mga bading silang magkasintahan.”

Pero siyempre’y ipapakita rin nilang laro lang ang lahat ng ito.

Nanalo rin si Vilma Santos bilang Film Actress of the Year para sa “In My Life” at si Manzano ang tumanggap ng karangalan.

“I would like to thank my mom for her support at sa kanyang mga Vilmanians,” sabi ni Lucky.

Angel Locsin, makabayan at anak-pawis; Luis Manzano, tumanggap ng award

ANG isa sa dapat hangaan ng sambayanan ay ang pagkamakabayan ni Angel Locsin.

Sa mga hindi pa nakakaalam, si Angel ay nagmula sa isang angkan na talagang nasyunalista mula sa kanyang ama hanggang sa kanyang kapatid na si Angela Colmenares.

Colmenares ang tunay na apelyido ni Locsin na pamangkin ng isa sa mga kongresista sa Bayan Muna party-list na si Neri Colmenares.

Kaya nga ba’t hindi nawawala si Angel sa mga pagtitipon ng mga progresibong grupo tulad ng Gabriela, Kabataan, Anak-pawis at iba pang makamasang organisasyon.

Namumukod-tangi si Angel sa kanyang mga kasamahan sa showbiz dahil siya ay may kamalayan ng paghihirap ng mga dukha at kung paano at saan nanggagaling ang kahirapan ng mga ito.

***

Kahit na kapitalista rin si Angel ay nasa kanya ang pag-aaruga, sa abot ng kanyang makakaya, sa mga manggagawa.

Halimbawa nito ang mga trabahador sa kanyang Fuel Up Bar sa may Commonwealth Avenue na talaga namang pansosyal at pambagets pero ang kanyang pagmamahal sa mga manggagawa ay hanggang doon na lamang.

Nakikihalubilo si Angel sa kanyang mga kasama sa negosyo para lang mapatunayan niya sa kanyang sarili na nagmamahal siya sa kanyang kapwa anak-pawis.

Kaya huwag tayong mabibigla kung isa sa mga araw na ito ay lalahok sa malawakang protesta si Angel laban sa pang-aapi sa lipunang ito.

***

Dumating na ang Star for All Seasons na si Vilma Santos mula sa kanyang dalawang linggong bakasyon sa Los Angeles, California.

Kasama niyang dumating ang kanyang asawang si Ralph Recto at ang kanilang anak na si Ryan Christian.

Gayundin, kasama sa bakasyon sina Emelyn Santos, ang panganay na kapatid ni Vilma at Aida Fandialan, ang kawaksi ni Santos sa maraming gawain sa buhay.

Gayunman, hindi nakarating si Vi sa ika-41 Guillermo Mendoza Memorial Scholarship Foundation Entertainment Awards na ginanap sa Carlos P. Romulo Auditorium sa RCBC Plaza sa Ayala Avenue sa panulukan ng Buendia Avenue.

Best Actress si Baby Vi para sa kanyang mahusay na pagganap sa “In My Life” ng Star Cinema samantalang Best Actor naman si Luis Manzano katuwang si John Lloyd Cruz para sa “In My Life” din.

Si Luis ang tumanggap ng parangal para sa kanyang ina.

***

Si Marco Sison ang nais makasama ng singer na si Arminda Zuñiga sa kanyang concert na tentative na gagawin sa susunod na buwan.

“Bilib na bilib po ako kay Marco. At saka, tamang-tama siya sa age ng mga kliyente namin,” pahayag ni Arminda na siyang soloista ng Nonoy Lopez and His Orchestra.

Ballroom dancing ang kasunod ng maikling konsiyerto ni Armie dahil mahiligin talaga sa pagsayaw ang mga panauhin ng mang-aawit.

Pero balak din niyang gawing front act ang bagitong singer na si Dexter Encarnado.

***

Kung inyong natatandaan, si Zuñiga ang batambatang inilunsad natin noon sa isang pagtatanghal na tribute kina Dulce at Rey Valera sa Philamlife Auditorium noong 1989.

Kabilang sa mga nakasama ni Arminda sa pagkanta ng mga awit nina Dulce at Rey ay sina Michael Laygo, Maan Dionisio na gumanap na Kim sa “Miss Saigon” sa Australia at iba pang StarBrighters ni Boy C. de Guia.

Sumuporta pa nga sa amin noon si Boy Abunda at si Mario Dumaual na noon pa man ay matulungin na sa mga kasamahan sa peryodismo.

Nagdiwag kamakailan ng kanyang kaarawan si Armie sa Makati Sports Club kung saan siya kumakanta sa mga ballroom dancers sa saliw ni Nonoy.

Pag kumanta na si Zuñiga ng mga musika nina Didith Reyes, Pilita Corrales, Britney Spears, Lady Gaga, Beyonce Knowles at iba pang mang-aawit, talagang matatalbugan niya ang maraming nagkukunwaring manganganta.

Maligayang kaarawan, Arminda.

Star Patrol (for Saksi, June 26, 2010)

Boy Villasanta

Angel Locsin, ipinagmamalaki ang mga kaanak sa makamasang gawain; Luis Manzano, tumanggap ng award

HIGIT kaninuman, isa si Angel Locsin sa kakaunting taga-showbiz na nag-aalay ng kanilang buhay para sa kapakanan ng mga anak-pawis at masa.

Hindi naman sa pagpapakamatay o pagbawi sa buhay para lang makaligtas ang isang tao kundi sa kaparaanang pakikibahagi sa proseso ng pagbabago para sa mas maalwang buhay.

Hindi lingid sa karamihan na kapatid ni Angel si Angela Colmenares, isa sa mga pangunahing persona sa Kabataan, isang organisasyon ng mga kabataang makabayan.

Nang dahil dito ay nahawahan na si Locsin ng pagiging progresibo ng kanyang ate.

Kaya pagmasdang mabuti na nakakaangat si Angel sa kanyang kamalayang panlipunan sa showbiz dahil lipunan din naman ang larangang ito pero nauunawaan ng aktres ang historikal na proseso ng kaayusang ito.

Kaya sa pagganap ni Locsin sa kanyang mga papel sa telebisyon at pelikulay ay may dimensyon ng paglaya ng isang indibidwal sa pagsasamantala kahit na hindi pilit at simboliko lamang.

***

Ipinagmamalaki rin ni Angel na tiyuhin niya si Rep. Neri Colmenares ng Bayan Muna party-list.

Si Angel at si Neri ay magkamag-anak at ang mga simulain at adhika ni Congressman Colmenares ay mga pakikibaka rin ni Angel.

Kahit na isa ring kapitalista si Angel sa kanyang pagmamay-ari ng Fuel Up Bar sa may Commonwealth Avenue ay nasa kanya pa ring puso ang pagkalinga sa mga manggagawa.

Kahit na abala sa kanyang trabaho, may panahon si Locsin na pumasyal at personal na asikasuhin ang mga bagay sa kanyang restoran.

Kahit na ito ay pansosyal o kaya naman ay pambagets, kailangang may nilalaman ito ng pagmamahal sa kapwa sa tunay na kahulugan ng mga salitang ito.

Hindi sa pakikisabay lang sa agos na pagmamahal sa kapwa kundi sa pag-ayon sa lohika at katwiran.

Dahil hindi naman ibig sabihin na mahirap o manggagawa ay tama lagi ang mga pansariling gawain kaya dapat ilagay lang sa tamang konteksto ang paghuhusga sa mahirap.

***

Dumating na ang Star for All Seasons na si Vilma Santos mula sa kanyang dalawang linggong bakasyon sa Los Angeles, California.

Kasama niyang dumating ang kanyang asawang si Ralph Recto at ang kanilang anak na si Ryan Christian.

Gayundin, kasama sa bakasyon sina Emelyn Santos, ang panganay na kapatid ni Vilma at Aida Fandialan, ang kawaksi ni Santos sa maraming gawain sa buhay.

Gayunman, hindi nakarating si Vi sa ika-41 Guillermo Mendoza Memorial Scholarship Foundation Entertainment Awards na ginanap sa Carlos P. Romulo Auditorium sa RCBC Plaza sa Ayala Avenue sa panulukan ng Buendia Avenue.

Best Actress si Baby Vi para sa kanyang mahusay na pagganap sa “In My Life” ng Star Cinema samantalang Best Actor naman si Luis Manzano katuwang si John Lloyd Cruz para sa “In My Life” din.

Si Luis ang tumanggap ng parangal para sa kanyang ina.

***

Si Marco Sison ang nais makasama ng singer na si Arminda Zuñiga sa kanyang concert na tentative na gagawin sa susunod na buwan.

“Bilib na bilib po ako kay Marco. At saka, tamang-tama siya sa age ng mga kliyente namin,” pahayag ni Arminda na siyang soloista ng Nonoy Lopez and His Orchestra.

Ballroom dancing ang kasunod ng maikling konsiyerto ni Armie dahil mahiligin talaga sa pagsayaw ang mga panauhin ng mang-aawit.

Pero balak din niyang gawing front act ang bagitong singer na si Dexter Encarnado.

***

Kung inyong natatandaan, si Zuñiga ang batambatang inilunsad natin noon sa isang pagtatanghal na tribute kina Dulce at Rey Valera sa Philamlife Auditorium noong 1989.

Kabilang sa mga nakasama ni Arminda sa pagkanta ng mga awit nina Dulce at Rey ay sina Michael Laygo, Maan Dionisio na gumanap na Kim sa “Miss Saigon” sa Australia at iba pang StarBrighters ni Boy C. de Guia.

Sumuporta pa nga sa amin noon si Boy Abunda at si Mario Dumaual na noon pa man ay matulungin na sa mga kasamahan sa peryodismo.

Nagdiwag kamakailan ng kanyang kaarawan si Armie sa Makati Sports Club kung saan siya kumakanta sa mga ballroom dancers sa saliw ni Nonoy.

Pag kumanta na si Zuñiga ng mga musika nina Didith Reyes, Pilita Corrales, Britney Spears, Lady Gaga, Beyonce Knowles at iba pang mang-aawit, talagang matatalbugan niya ang maraming nagkukunwaring manganganta.

Maligayang kaarawan, Arminda.