Jowee Morel, buwisit na buwisit sa Hong Kong actor na nais makaisa kay Chanel Latorre

KAHIT nasa London ngayon ang kontrobersyal na direktor na si Jowee Morel na gumawa ng mga pelikulang “Mga Paru-Parong Rosas (Pink Butterflies),” “Moma,” “Ec2luv,” “Mona, Singapore Escort,” “When A Gay Man Loves,” “Latak,” “HiStory” “Moving Dreams” at “Strictly Confidential,” alam na alam niya ang nagaganap sa Pilipinas, sa mundo ng pelikula at sa iba pang panig ng daigdig.

Nag-aaral sa kasalukuyan si Morel ng filmmaking sa London.

Sa pag-usad ng telekomunikasyon at iba pang lagusan ng impormasyon, laging updated si Jowee sa mga pangyayari sa paligid.

Tulad na lang nang tangkang panghahalay sa aktres na si Chanel Latorre sa Hong Kong ng isang aktor at modelo na tagaroon na katambal niya sa pelikulang “Wan Chai Baby” na ginawa niya roon kamakailan.

Nang mabasa ni Jowee ang kuwento ay asar na asar siya sa Tsinong modelo ng McDonalds sa Hong Kong.

***

“Kailangang maparusahan ‘yang Aaron Palermo na ‘yan. Kapatid ba ‘yan ni Juliana Palermo?” tanong ni Morel, isang bagay na madalas ding tuklasin ng iba pang taga-showbz at maging ng mga tagalabas.

“Kailangang isuplong ‘yang Aaron Palermo na ‘yan para hindi na maulit pa ‘yang pangyayaring ‘yan. There’s got to be a fight against people like him,” pagmumulat ni Morel.

Mahal na mahal ni Jowee si Chanel dahil bukod sa kapitbahay niya dati ang aktres sa Merville Park Subdivision sa Parañaque City ay bida pa niya ito sa “Latak” kasama sina Mercedes Cabral, Marc Jacob, Tia Pusit, Dan Alvaro, Pia Millado, Geraldine Tan at iba pa.

“Kung sinuman ang gumalaw kay Chanel, yari sa akin. Kasi, mabait na bata si Chanel. Madali siyang makapalagayan ng loob kaya nang malaman ko ‘yang incident kay Aaron Palermo na ‘yan, tumaas ang dugo ko sa galit,” pahayag ni Jowee na nanggagalaiti.

***

Hindi na nag-isip pa si Latorre na magsuplong sa may kapangyarihan dahil napigil naman anya ang pagnanasa si Palermo.

“At naging magkaibigan naman kami after that kaya lang, may lamat na. Alam mo po ‘yon, hindi na ako madaling magtiwala sa kanya. Isang kibot lang niya, pinag-iisipan ko na kung ano ang ibig sabihin. Hindi ‘yong pagiging negative. Gusto ko lang makasiguro sa laban ko,” sabi ni Chanel.

Ngayon ay mapayapa na ang bituin at nag-aaral ng martial arts dahil may lumapit sa kanyang talent coordinator na isang British at nagsabing irerekomenda siya sa isang prodyuser sa Hong Kong na gagawa ng martial arts movie at kailangan ang babaing artista.

***

Samantala, nais ng dati’y matabang-matabang peryodistang pampelikula na si Lolo Buenaobra na bulabugin ang kanyang tinulungan noon at itinuturing na kaibigang si Mikey Macapagal-Arroyo.

Kasi nga’y nangangailangan siya ng tulong ngayon sa pagpapagamot ng kanyang paa na namamaga.

Hindi na makalakad si Lolo kaya hindi na siya madalas makita sa mga sosyalang-panshowbiz dahil sa kanyang kondisyon—sakit sa puso at ngayon ay arthritis.

“Tinulungan ko naman ‘yang mag-inang ‘yan. Nang senador pa lang si President Gloria Macapagal-Arroyo, tinulungan ko ‘yan. Nang mag-bise presidente, tinulungan ko rin. Kahit no’ng mag-presidente, tinulungan ko rin.

“Tapos, ngayon, na may sakit ako, parang hindi ko sila mahagilap lalo na si Mikey. Halos ibigay ko ang buhay k okay Mikey pero ano ang kanyang ginawa? Wala,” nagtatampong wika ni Buenaobra.

***

Nang magkasakit anya siya noon ani Lolo ay isang libong piso lang ang ibinigay sa kanya ng batang Macapagal-Arroyo.

“Alam naman niyang mahirap ang sakit ko pero magkano lang ‘yon? Para akong bata na binigyan ng kendi para lang hindi umiyak. Ano ba ‘yon? Mas gusto ko na mas malaking tulong para sa sakit ko. Hindi na ako makapagtrabaho kaya wala akong pampagamot.

“Sana naman ay matauhan si Mikey sa akin dahil alam ko naman na may means siya para maipagamot ako. Kailangan ko ng pera para sa aking pang-araw-araw na pangangailangan, hindi man lang niya maibigay sa akin. Gano’n lang naman ‘yon. Nakakagastos nga siya sa maraming bagay, sa akin pa kaya na nagpakahirap sa kanya?” tanong ni Lolo na nabawasan na ng timbang at kabibohan.

Star Patrol (for Saksi, June 25, 2010)

Boy Villasanta

Controversial director Jowee Morel, galit na galit sa Hong Kong model na gustong humalay kay Chanel Latorre

TIGMAK ng maraming drama ang ating pang-araw-araw na buhay sa loob at labas ng showbiz.

Dahil ang buhay nga ay showbiz at ang showbiz ay buhay.

Maraming maiintriga, makukulay, malalalim, malalawak, madadrama, madudula, matutunggali at magigilas na karanasan at tagpo ang buhay na parang nangyayari sa telebisyon at pelikula kaya showbiz na showbiz ang buhay nating lahat.

Tulad na lang ng nararanasan ngayon ng kontrobersyal na direktor ng pelikula na si Jowee Morel.

Si Jowee Morel na nakilala sa mga obrang “Mga Paru-Parong Rosas (Pink Butterflies),” “Moma,” “Moving Dreams,” “Ec2luv,” “Mona, Singapore Escort,” “When A Gay Man Loves,” “Latak,” “HiStory” at “Strictly Confidential.”

Kahit nasa London sa United Kingdom siya ay nakakarating sa kanya ang mga pinakahuling kaganapan sa showbiz at sa labas man nito.

***

Ang isang mataginting na halimbawa ay ang nabalitaan niyang muntik nang magahasa ang kanyang kaibigan, alaga, artista at dating kapitbahay sa Merville Park Subdivision na si Chanel Latorre.

Si Chanel Latorre na isa sa kanyang mga bida sa “Latak” ng Outline Films kasama sina Tia Pusit, Marc Jacob, Mercedes Cabral, Pia Millado, Geraldine Tan, Chito Alcid at iba pa.

Nakarating na kay Jowee na muntik nang magahasa si Latorre ng isang aktor at modelo sa Hong Kong na nag-i-endorso ngayon ng McDonalds sa HK.

Ang pangalan ng lalaking ito ay Aaron Palermo.

“Sikat na sikat po si Aaron sa buong Hong Kong pero nang gawin niya sa akin ‘yon, ano naman ang halaga ng sikat kung ganyan naman ang ugali niya,” pahayag ni Chanel.

***

“Kailangang maparusahan ‘yang Aaron Palermo na ‘yan. Kapatid ba ‘yan ni Juliana Palermo?” tanong ni Morel, isang bagay na madalas ding tuklasin ng iba pang taga-showbz at maging ng mga tagalabas.

“Kailangang isuplong ‘yang Aaron Palermo na ‘yan para hindi na maulit pa ‘yang pangyayaring ‘yan. There’s got to be a fight against people like him,” pagmumulat ni Morel.

“Kung sinuman ang gumalaw kay Chanel, yari sa akin. Kasi, mabait na bata si Chanel. Madali siyang makapalagayan ng loob kaya nang malaman ko ‘yang incident kay Aaron Palermo na ‘yan, tumaas ang dugo ko sa galit,” pahayag ni Jowee na nanggagalaiti.

***

Hindi na nag-isip pa si Latorre na magsuplong sa may kapangyarihan dahil napigil naman anya ang pagnanasa si Palermo.

“At naging magkaibigan naman kami after that kaya lang, may lamat na. Alam mo po ‘yon, hindi na ako madaling magtiwala sa kanya. Isang kibot lang niya, pinag-iisipan ko na kung ano ang ibig sabihin. Hindi ‘yong pagiging negative. Gusto ko lang makasiguro sa laban ko,” sabi ni Chanel.

Ngayon ay mapayapa na ang bituin at nag-aaral ng martial arts dahil may lumapit sa kanyang talent coordinator na isang British at nagsabing irerekomenda siya sa isang prodyuser sa Hong Kong na gagawa ng martial arts movie at kailangan ang babaing artista.

***

Samantala, nais ng dati’y matabang-matabang peryodistang pampelikula na si Lolo Buenaobra na bulabugin ang kanyang tinulungan noon at itinuturing na kaibigang si Mikey Macapagal-Arroyo.

Kasi nga’y nangangailangan siya ng tulong ngayon sa pagpapagamot ng kanyang paa na namamaga.

Hindi na makalakad si Lolo kaya hindi na siya madalas makita sa mga sosyalang-panshowbiz dahil sa kanyang kondisyon—sakit sa puso at ngayon ay arthritis.

“Tinulungan ko naman ‘yang mag-inang ‘yan. Nang senador pa lang si President Gloria Macapagal-Arroyo, tinulungan ko ‘yan. Nang mag-bise presidente, tinulungan ko rin. Kahit no’ng mag-presidente, tinulungan ko rin.

“Tapos, ngayon, na may sakit ako, parang hindi ko sila mahagilap lalo na si Mikey. Halos ibigay ko ang buhay k okay Mikey pero ano ang kanyang ginawa? Wala,” nagtatampong wika ni Buenaobra.

***

Nang magkasakit anya siya noon ani Lolo ay isang libong piso lang ang ibinigay sa kanya ng batang Macapagal-Arroyo.

“Alam naman niyang mahirap ang sakit ko pero magkano lang ‘yon? Para akong bata na binigyan ng kendi para lang hindi umiyak. Ano ba ‘yon? Mas gusto ko na mas malaking tulong para sa sakit ko. Hindi na ako makapagtrabaho kaya wala akong pampagamot.

“Sana naman ay matauhan si Mikey sa akin dahil alam ko naman na may means siya para maipagamot ako. Kailangan ko ng pera para sa aking pang-araw-araw na pangangailangan, hindi man lang niya maibigay sa akin. Gano’n lang naman ‘yon. Nakakagastos nga siya sa maraming bagay, sa akin pa kaya na nagpakahirap sa kanya?” tanong ni Lolo na nabawasan na ng timbang at kabibohan.

Filipina actress, muntik magahasa sa Hong Kong

MARAMI pang mga artista sa buong Pilipinas na dapat makilala at malaman ng publiko na nand’yan lang at nagpapasaya sa mga tao.

Isa na rito si Chanel Latorre.

Chanel Latorre, sino ‘yon?

Aba, kailangan ding malaman ninyo na may nabubuhay na isang Filipinang aktres na nagngangalang Channel Latorre dahil hindi lang sina Marian Rivera, Gloria Romero, Bea Alonzo, Nora Aunor, Maricel Soriano, Susan Roces, Amalia Fuentes, Rhian Ramos, Sharon Cuneta, Jennylyn Mercado o kaya’y Vilma Santos at marami pang iba ang mga artistang babae sa Pilipinas.

May Chanel Latorre rin.

At maganda ang kanyang ipinapakitang impluwensiya sa kapwa niya mga Filipino sa buong mundo.

Si Chanel Latorre na ipinakilala ng kontrobersyal na direktor na si Jowee Morel sa pelikulang “Latak” ng Outline Films kasama sina Marc Jacob, Mercedes Cabral, Tia Pusit, Dan Alvaro, Pia Millado at marami pang iba.

Kababalik lang ni Chanel mula sa Hong Kong kung saan ay gumawa siya ng isang makabuluhang pelikula na may sosyo ng Hollywood.

***

Isang buwang bago umalis si Latorre sa bansa, ang titulo ng pelikula ay “Tess,” tungkol sa isang domestic helper na Filipina na naging puta sa Hong Kong.

Ngayon ay “Wan Chai Baby” na ang pamagat ng obra na idinidirek ng batikang English filmmaker sa HK na nagngangalang Craig Addison na kilala sa paggawa ng mga palabas-telebisyon at palikulang pambata.

Nang papuntahin si Chanel ni Carig na siya ring prodyuser ng obra, pinatuloy ang bituin sa isang hotel.

Pinamasahihan din siya.

Sa unang araw pa lang ng shooting, halikan at mga seksing eksena na agad ang kinunan.

“Pero wala pong mga torrid kissing scene o pumping o kahit na anong masagwang tagpo. Napaka-conservative pa nga po ni Sir Craig,” pahayag ni Chanel.

***

Nakilala ni Latorre ang kanyang leading man sa pelikula na si Aaron Palermo na isang Italian-British na aktor at modelo sa Hong Kong.

“Kilala po siya sa Hong Kong bilang commercial and fashion model. Siya ang model ngayon ng McDonalds at hit na hit siya,” pagbabalita ni La Torre.

Heto na ang siste.

Nang makunan ang kanilang halikan, inimbitahan ni Aaron ng hapunan si Chanel.

At dahil nakikisama at nakikipagkaibigan sa mga taga-ibang bansa ang isang dayuhang aktres, pumayag siyang sumama kay Palermo.

“Kumain po kami. Tapos, pagabi na nang pagabi. Kahit na maraming tao sa lugar na pinuntahan namin, nakakatakot din dahil mag-isa lang ako. ‘Yong PA (Production Assistant) ko, nakaalis na. Siya kasi ang sumasama sa akin sa shoot. Pero kailangan na niyang umuwi.

“Hanggang sa natapos kaming kumain. Aba, nagyayaya po ba naman si Aaron na punta raw kami sa kanyang flat. Siyempre, natakot ako. May ibig sabihin ‘yong pagyayaya niya, e.

“Nag-iisa lang siya sa kanyanf flat kaya paano naman ako sasama. Kinabahan na ako. Naapektuhan kaya sa kinunan naming lips-to-lips. Ang ginawa ko, kahit na sabihing wala akong pakikisama, tumawag ako ng taxi. Buti na lang, may dumating agad. ‘Yon, naku, buti at nakaalis ako agad.”

***

Nang magkita anya silang muli ni Palermo sa set ay parang “rude na siya sa akin. Lagi na niya akong pinupuna sa aking ginagawa.

“Like, isang beses, nando’n lang ako sa loob ng isang kotse sa malapit sa set. Nag-iisip-isip lang naman ako. Malayo lang ang tingin ko. Tapos, lumapit ba naman siya.

“Tapos, ang sabi sa akin, why are you method acting. This is not a subdued acting. E, narinig siya ni Sir Craig. ‘Yon, pinagsabihan siya. Sabi ni Sir Craig, ‘you just let her do what she wants.’ Pero mula noon, parang naging friendly na siya,” kuwento ni Chanel na may hitsura at hilatsa na ng isang pagiging Hollywood actress kahit ang pelikula ay kinunan sa Hong Kong.

Bida si Chanel sa obrang ito na balak ipalabas ni Addison sa Sundance Film Festival ni Robert Redford.

***

“Akala kasi ng mga taga-Hong Kong, lalo na ‘yong mga Westerner doon at kahit mga Asia, ang lahat ng mga Filipina ay puta sa Hong Kong. Kasi, ganyan talaga ang tingin nila sa mga Filipina.

“Nag-research nga po ako bago kami mag-shoot sa mga club sa Hong Kong. At ‘yon, nakausap ko ang mga Filipina sa mga club do’n. Naku, ang hirap ng buhay nila. Bale, kasi, umalis na silang mag-DH at pumasok na lang silang hostess o kaya ay mga masahista sa mga club. Tapos, nagpapabayad na sila.

“Ganyan kasama ang tingin sa atin sa ibang bansa. Pero gusto ko lang patunayan sa kanila na hindi lahat ng mga Filipina ay madadala sa sex para lang magkapera.

“Nakakalungkot ang nangyayari sa ating mga kababayan sa Hong Kong lalo na ‘yong mga inaapi ng mga employer. Tapos, ‘yong mga hostess sa club, nagkakasya sila sa isang masikip at maliit na kuwarto kahit walo sila sa loob. Nakakaawa sila,” pahayag ni Chanel.

Star Patrol (for Saksi, June 22, 2010)

Boy Villasanta

Hong Kong actor-model, muntik pagsamantalahan ang Filipina actress

KAHIT nga yata saan lumugar ang magandang aktres na si Chanel Latorre ay may nagnanasa sa kanya.

Hindi nga ba’t naipagtapat niya sa atin noon na may isa siyang kasamahan sa GMA Network na nanligaw sa kanya at nang hindi siya makuha ay kung anu-ano ang pinagsasabi sa kanya?

May insidente rin na muntik nang maibugaw si Chanel ng isang kilalang talent manager na nagkakaso ng exploitation pero mabuti at nakaiwas siya.

Ngayon naman ay may nagtangka sa kanya anya sa Hong Kong kamakailan na ilugso ang kanyang puri.

Kasama niya anya sa produksyon ang lalaking ito.

***

May ginawa kasing pelikula si Latorre sa Hong Kong kamakailan.

Kararating lang nga niya mula sa dating Crown Colony pagkatapos ng isang buwang singkad na paggawa ng pelikula roon.

Nakapasa siya sa audition tape na kanyang ipinadala sa kanyang direktor na si Craig Addison at sa mga DVD ng kanyang mga pelikulang pinagbidahan sa Pilipinas kabilang ang kontrobersyal na “Latak” ng Outline Films na idinirek ni Jowee Morel.

Pinamasahihan at pinaghotel ni Craig ang kanyang pangunahing aktres na kanyang inalagaan sa lahat ng anggulo sa pelikula.

Pero sa unang araw pa lang ng shooting ay umaatikabong halikan at kaseksihan na ang ginawa ni Chanel.

“Pero napaka-conservative pa rin po ng pelikula. Walang showing of the flesh dito except perhaps sa bare back ako habang nagmamasahe at ‘yong naka-bra lang ako at skirt,” pagpapatotoo ng bituin.

***

Ang pelikula ay pinamagatang “Wan Chai Baby” na tungkol sa isang Filipina na nagtrabaho munang Domestic Helper o DH pero nang mamatay ang kanyang amo ay namasukan sa isang masahehan at pagkatapos ay nagpatianod na sa kaputahan pero ayon kay Latorre ay hindi na ipinakita ‘yon ng pelikula.

Dating “Tess” ang pamagat ng obra pero pinalitan na ng titulo at ang ginawang basehan ay ang lugar na Wan Chai sa Hong Kong kung saan maraming Pinay na nagbebenta ng laman o kung sa maikling salita ay nagpuputa.

Ayon kay Latorre, balak ni Addison na ipalabas sa Sundance Film Festival, ang filmfest na inorganisa ng kilala at premyadong Hollywood actor na si Robert Redford, ang “Wan Chai Baby” sa 2011 kaya binubusisi na ni Craig ang obra.

***

Kailangan ding ipahayag at ipakilala si Chanel Latorre sa publiko sa pamamagitan ng pagsulat sa kanya dahil siya ma ay artistang Filipino rin at may karapatang maipabatid sa madla ang kanyang kontribusyon sa kasaysayan ng pelikula sa Pilipinas kahit na sa ibang bansa pa niya ginawa ang kanyang pinagbibidahan.

Si Chanel ay para ring sina Marian Rivera, Gloria Romero, Bea Alonzo, Nora Aunor, Maricel Soriano, Susan Roces, Amalia Fuentes, Rhian Ramos, Sharon Cuneta, Jennylyn Mercado o kaya’y Vilma Santos at marami pang iba ang mga artistang babae sa Pilipinas.

May ipapakita ring talento si Latorre dangan nga lamang at hindi siya nabibigyan ng oportunidad sa lokal na larangan ng sining ng pelikula at telebisyon nang mas madalas o kaya ay inihahain siya nang buung-buo sa balana.

Marami rin siyang kuwento na dapat ipaalam sa mga mamamayan.

Tulad na lang ng kanyang mga karanasan sa Hong Kong sa paggawa ng “Wan Chai Baby.”

***

Nakilala ni Latorre ang kanyang leading man sa pelikula na si Aaron Palermo na isang Italian-British na aktor at modelo sa Hong Kong.

“Kilala po siya sa Hong Kong bilang commercial and fashion model. Siya ang model ngayon ng McDonalds at hit na hit siya,” pagbabalita ni La Torre.

Heto na ang siste.

Nang makunan ang kanilang halikan, inimbitahan ni Aaron ng hapunan si Chanel.

At dahil nakikisama at nakikipagkaibigan sa mga taga-ibang bansa ang isang dayuhang aktres, pumayag siyang sumama kay Palermo.

“Kumain po kami. Tapos, pagabi na nang pagabi. Kahit na maraming tao sa lugar na pinuntahan namin, nakakatakot din dahil mag-isa lang ako. ‘Yong PA (Production Assistant) ko, nakaalis na. Siya kasi ang sumasama sa akin sa shoot. Pero kailangan na niyang umuwi.

“Hanggang sa natapos kaming kumain. Aba, nagyayaya po ba naman si Aaron na punta raw kami sa kanyang flat. Siyempre, natakot ako. May ibig sabihin ‘yong pagyayaya niya, e.

“Nag-iisa lang siya sa kanyanf flat kaya paano naman ako sasama. Kinabahan na ako. Naapektuhan kaya sa kinunan naming lips-to-lips. Ang ginawa ko, kahit na sabihing wala akong pakikisama, tumawag ako ng taxi. Buti na lang, may dumating agad. ‘Yon, naku, buti at nakaalis ako agad.”

***

Nang magkita anya silang muli ni Palermo sa set ay parang “rude na siya sa akin. Lagi na niya akong pinupuna sa aking ginagawa.

“Like, isang beses, nando’n lang ako sa loob ng isang kotse sa malapit sa set. Nag-iisip-isip lang naman ako. Malayo lang ang tingin ko. Tapos, lumapit ba naman siya.

“Tapos, ang sabi sa akin, why are you method acting. This is not a subdued acting. E, narinig siya ni Sir Craig. ‘Yon, pinagsabihan siya. Sabi ni Sir Craig, ‘you just let her do what she wants.’ Pero mula noon, parang naging friendly na siya,” kuwento ni Chanel na may hitsura at hilatsa na ng isang pagiging Hollywood actress kahit ang pelikula ay kinunan sa Hong Kong.

***

“Akala kasi ng mga taga-Hong Kong, lalo na ‘yong mga Westerner doon at kahit mga Asia, ang lahat ng mga Filipina ay puta sa Hong Kong. Kasi, ganyan talaga ang tingin nila sa mga Filipina.

“Nag-research nga po ako bago kami mag-shoot sa mga club sa Hong Kong. At ‘yon, nakausap ko ang mga Filipina sa mga club do’n. Naku, ang hirap ng buhay nila. Bale, kasi, umalis na silang mag-DH at pumasok na lang silang hostess o kaya ay mga masahista sa mga club. Tapos, nagpapabayad na sila.

“Ganyan kasama ang tingin sa atin sa ibang bansa. Pero gusto ko lang patunayan sa kanila na hindi lahat ng mga Filipina ay madadala sa sex para lang magkapera.

“Nakakalungkot ang nangyayari sa ating mga kababayan sa Hong Kong lalo na ‘yong mga inaapi ng mga employer. Tapos, ‘yong mga hostess sa club, nagkakasya sila sa isang masikip at maliit na kuwarto kahit walo sila sa loob. Nakakaawa sila,” pahayag ni Chanel.

Chanel Latorre ng “Latak” ni Jowee Morel, bida sa isang Hollywood film isu-shoot sa Hong Kong

BONGGA ang kinahihinatnan ng mga alaga at tuklas ng kontrobersyal na direktor na si Jowee Morel ng mga obrang pampelikulang “Moma,” “Ec2luv,” “Mga Paru-Parong Rosas (Pink Butterflies),” “Mona, Singapore Escort,” “When A Gay Man Loves,” “Latak,” “HiStory” at “Strictly Confidential.”

Noong una ay si Mercedes Cabral na nabigyan ng pagkakataon ni Brillante Mendoza na mapasama sa kanyang mga pang-internasyunal na likhang-sining tulad ng “Serbis” at “Kinatay (The Execution of P).”

Kahit na si Rey Rana ang nakadiskubre kay Mercedes, si Jowee naman ang unang nagpaganap sa kanya sa pelikula sa kontrobersyal na “Latak.”

Ikalawa’y si Geraldine Tan na ngayon ay umaani ng maraming tagumpay sa telebisyon, pelikula at patalastas.

Marami pang iba tulad ni Pia Millado na mabili rin sa maraming proyekto.

***

Ngayon naman ay si Chanel Latorre.

Si Chanel Latorre na isa rin sa mga bida ng “Latak” ng Outline Films.

Si Chanel Latorre na nababasa na ninyo sa pitak na ito noon pa pero dahil nga napakaraming kolum sa rito sa diyaryong ito at sa iba’t ibang pahayagan, natatabunan si Chanel lalo na pa gang kasabay niyang nalalathala ay mga gumaganap sa ABS-CBN o GMA Network o ngayong nadagdag pang malaki ang marketing na TV5 o mga artista ng Star Cinema o Viva Entertainment o Regal Films o Imus Productions o OctoArts o iba pang gumagastos at sikat sa publisidad na mga produksyon.

Pag wala pang larawan si Latorre sa pahina ay lalong hindi magmamarka puwera na lang kung nakakagimbal ang kuwento tungkol sa kanya.

Pero hindi naman nagpipilit si Chanel na mapansin ng mga Filipino kundi sapat na ang siya ay mapabilang sa larangang ito.

***

Aba, huwag isnabin ang kapalarang nasunggaban ngayon ni Latorre.

Aba’y sa dinami-dami ng mga Filipinang aktres na puwedeng gawing bida sa isang banyagang pelikulang Hollywood, e, si Chanel pa ang napili ng direktor at prodyuser na maging pangunahing papel sa istorya.

Gagampanan ni Latorre ang papel at bida sa pelikulang “Tess” na ididirek at ipoprodyus ni Craig Addison, isang TV at movie director na nakatutok sa Hong Kong pero maraming koneksyon sa Hollywood.

Ang “Tess” ay kuwento ng isang Overseas Filipino Worker o OFW na nagtatrabaho sa isang Amerikana pero biglang namatay ang kanyang amo at nag-iwan ng mga misteryo sa kamatayan nito na tanging si Tess lang ang nakakaalam.

Kaya nga nananabik na si Chanel na gampanan ang kanyang karakter na magsisimulang mag-shooting sa ika-24 ng Mayo, 2010 sa Hong Kong.

Naayos nang lahat ang mga papeles ni Latorre at luluwas na lang siya patungong HK sa ika-22 ng Mayo para sa preparasyon ng pelikula.

Labing-apat na araw ang shooting sa Hong Kong pero ayon sa aktres ay makakapunta pa siya sa Mainland China, sa Beijing o kung saan pa, sa Macau din, at babalik sa HK para ipagpatuloy ang kanyang trabaho.

O, hindi ba’t karangalan na naman ng mga Filipino ang pagkakasama ni Latorre sa pelikulang ito.

***

Tanging si Chanel lang ang artistang Filipino sa “Tess” dahil ang karamihan ay mga Amerikano’t Amerikana at mga Tsino at Tsina.

“Nakaka-excite na nga po,” pahayag ni Chanel.

Nakuha si Latorre sa kanyang mga larawan at sa audition video na kanyang ipinadala sa prodyuser na direktor.

Nagustuhan agad siya anya ni Craig at nagpadala na ng kontrata sa kanya.

Ipapalabas sa iba’t ibang bahagi ng mundo ang “Tess” na tiyak na magdadala na naman kay Chanel sa tugatog ng tagumpay at sa bansang Pilipinas.

Star Patrol (for Saksi, May 9, 2010)

Boy Villasanta

Aktres ni Jowee Morel, bida sa Hollywood movie na gagawin sa Hong Kong

LILIPAD na patungong Hong Kong ang Filipinang aktres na si Chanel Latorre upang mag-shooting doon.

Teka, sino nga ba si Chanel Latorre?

Bakit biglang-bigla na lang ay pumailanglang ang kanyang pangalan?

Hindi naman talaga baguhan sa showbiz si Chanel.

Sa katunayan ay natutunghayan na ninyo siya rito sa mga pahina ng Bomba Balita at Saksi sa Balita.

Wala pa ngang masyadong pangalan at hukbo ng mga tagahanga at panaka-naka pa lang ang mga pelikula at telebisyon ni Latorre pero siya ay aktibung-aktibo na sa showbiz.

Masyado tayo kasing nakatutok lang sa mga sikat pero ang mga taong walang masyadong publisidad pero may mga karapatan ay hindi natin pinaglalaanan ng pansin samantalang mga artista rin sila.

***

Gayunman, si Chanel ay isang may sinasabing bituin sa lokal na showbiz.

Naitampok na siya sa maraming palatuntunan sa telebisyon at radyo.

May mga pelikula na rin siya kabilang ang “Latak” ng Outline Films na idinirek ni Jowee Morel.

Kasama rin si Latorre sa “1017” na nagtampok sa kauna-unahang pelikulang pagtatampok kay Zig Dulay at sa “Horizonte” na gawa rin ng direktor.

Nakalabas na rin siya sa pelikula ni WilFredo at iba pang mahuhusay bagamat bagitong mga manlilikhang pampelikula.

Nakalabas na rin siya sa Nation Broadcasting Network, ABS-CBN, GMA Network, Radio Philippines Network at sa mga radyong DWBL at iba pa.

Naging workshopper din si Latorre sa pag-arte sa GMA Network at nakasama niya sa palihan sina Fernando Josef, kilala rin sa tawag na Nanding Josef, ang artistic director ng Tanghalang Pilipino ng Cultural Center of the Philippines, Gina Alajar at marami pang iba.

Sa katunayan ay kilala sa GMA Artist Center si Chanel bilang Boom Latorre.

***

Malalayo na nga ang nararating ng mga bituin ni Morel sa “Latak.”

Noong una ay si Mercedes Cabral na nabigyan ng pagkakataon ni Brillante Mendoza na mapasama sa kanyang mga pang-internasyunal na likhang-sining tulad ng “Serbis” at “Kinatay (The Execution of P).”

Kahit na si Rey Rana ang nakadiskubre kay Mercedes, si Jowee naman ang unang nagpaganap sa kanya sa pelikula sa kontrobersyal na “Latak.”

Ikalawa’y si Geraldine Tan na ngayon ay umaani ng maraming tagumpay sa telebisyon, pelikula at patalastas.

Marami pang iba tulad ni Pia Millado na mabili rin sa maraming proyekto.

***

Ngayon naman ay si Chanel.

Ganito ang naganap sa magandang kapalaran ng aktres.

Naghahanap ng leading lady o title role ang banyagang filmmaker at producer na nagngangalang Craig Addison na nakabase sa Hong Kong.

May isa siyang proyekto na ang pamagat ay “Tess” na tungkol sa isang Overseas Filipino Worker o OFW sa Hong Kong na nanilbihan sa isang Amerikanang kamamatay lang.

Misteryoso ang pagpanaw ng Kana kaya naman naiwan kay Tess ang lahat ng mga ebisdensiya sa kamatayan nito.

Kaya sentro sa istorya ang pagkatao ni Tess na gagampanan ni Chanel.

Dahil nga naniniguro si Craig na hindi na magagastusan ang mga aktres na mag-o-audition sa Hong Kong dahil hindi naman sigurado kung sino ang matatanggap, ang ginawa ni Addison ay humiling sa mga aplikante ng mga litrato at kopya ng mga pelikulang nalabasan na.

Naging intresado si Latorre kaya wala namang mawawala kung sakali at magpadala siya.

Nang matanggap ni Addison ang mga materyales ni Chanel ay nagpadala rin ito ng bahagi ng iskrip na puwedeng gawan ng audition video ni Latorre.

Namuhunan lang nang konti si Chanel kaysa naman magpunta siya sa Hong Kong na hindi sigurado ang kanyang kapalaran.

Nagustuhan ni Craig ang ginawang audition video ni Latorre na pinagtulungan nila ng isang dating kasamahan sa technical staff ng Outline Films ni Morel.

At ang lahat ay kasaysayan na.

***

Ayon kay Chanel, mga pambatang TV show ang hawak ni Craig sa HK pero ngayon lang ito gagawa ng isang obrang pang-mature kaya nananabik din ang dayuhang filmmaker.

Ipapalabas sa Hollywood at iba pang mga lagusan ng pagtatanghal ang “Tess.”

Magsu-shooting na si Latorre sa HK sa ika-24 ng Mayo, 2010 at pupunta na siya dating Crown Colony sa ika-22 ng Mayo.

Fourteen days ang bilang araw ng shooting ng “Tess” at puwede ring magbakasyon ang aktres sa Mainland China, sa Macau o sa Beijing man lang, sa pagitan ng shooting.

Kaya bongga si Chanel sa mga Filipinang aktres ngayon.

Palakpakan natin siya at huwag isnabin.