Bagong loveteam: Jason Abalos at Ria Garcia

MAY bagong loveteam na ipinamamarali ngayon ang showbiz, ang tambalang Jason Abalos at Ria Garcia.

Hindi man hinabi ang tambalan sa bakuran ng ABS-CBN o kaya ay sa GMA Network o TV5 o kaya naman ay sa UNTV o Channel 9, Channel 13, Channel 4 o Channel 11, nandito naman ang loveteam na ito at inaalagaan ng isang kumpanya.

Ang produksyon ng t-shirt na Cotton Club ang siyang nagmamay-ari ng karapatan sa tambalang Jason-Ria.

Pagkatapos na hindi na i-renew ng Cotton Club ang kontrata kina Aljur Abrenica at Charice Solomon, sina Abalos at Garcia na ang inalagaan nito at katuwang ang peryodistang pampelikula at editor ng mga aklat na si Terry Bagalso sa naghabi ng tambalang ito.

***

Ayon kay Terry, naghahanap ang Cotton Club noon ng magiging image model ng kasuotan at si Jason agad ang kanyang naisip.

Pagkatapos ay isinunod naman ang paghahanap sa babaing makakatambal ni Abalos at si Ria nga ang natagpuan ni Terry at ng mga nangangasiwa ng damit.

“Perfect combination sina Jason at Ria. Kung ako sa ABS-CBN, aalagaan ko ang loveteam na ito,” pahayag ni Bagalso.

Ngayon ay pinagkakaguluhan na ang love pair na ito sa lahat ng sulok ng pamilihan ng t-shirt.

***

Perpekto ang pagtitinda nina Jason at Ria ng kanilang produkto lalo na ngayong tag-init.

Ayon sa sinulat na panghalina ni Terry, “Dama mo ba ang init? Hindi lang init, sobrang init! Panahon ng paglubog sa tubig, panahon ng outing. Pero ayon na rin sa mga dalubhasa, hindi na healthy ang sobrang init ngayon. Hindi na ligtas sa kalusugan, hindi rin maganda sa balat . Nariyan ang heat stroke, nariyan ang skin cancer.

Stay cool, stay fresh. Relax! Iwasan ang stress, iwasan ang init ng ulo at huwag magbilad sa araw. Tandaan, ang sobrang bilad sa araw ay nagiging dahilan ng mabilis na pagkulubot ng balat. Piliin din ang preskong kasuotan. Cotton, masarap sa katawan, magaan, presko at malambot . At dito maaasahan ang Cotton Club. Sa kalidad at halaga, panalo ka! Heto pa nga at may magandang handog ang Cotton club. Samantalahin ang buy 3 take 1 nilang offer ngayong summer. Go na kayo sa mga outlet na t-shirt na ito. Doble panalo ka!”

***

Samantala, ang isa pang naghahanap ng ka-loveteam ay ang anak ni Maria Isabel Lopez na si Mara Yokohama, isang batambatang aktres na nakakontrata dati sa ABS-CBN pero ngayon ay malaya na sa kanyang paggawa sa iba't ibang kumpanya ng pelikula at telebisyon.

Katatapos lang ni Mara ng kanyang kolehiyo sa De La Salle University sa Taft Avenue.

Nagtapos siya ng kursong AB Communication Arts at ayon sa kanya, nakatakda siyang magtrabaho ng international relations sa Japan.

Nakapasok na ang kanyang aplikasyon sa isang ahensiyang pang-embahada at panggobyerno kaya naman naghahanda na ang dalaga sa kanyang consular responsibilities.

***

Pero hinding-hindi niya iiwan ang kanyang pagsu-showbiz.

Katatapos din lang niya ng pelikulang “Happyland” para sa mahusay at premyadong direktor na si Jim Libiran na siya ring gumawa ng obrang “Tribu” tatlong taon na ang nakakaraan.

Leading lady si Mara ng baguhang pangalang Muslim ang screen name.

Ito ang aktor na babagay kay Mara.

Kilala rin si Mara bilang Mara Isabelle Lopez pero ni-retain na niya ang apelyido ng kanyang ama sa kanyang screen name.

Star Patrol (for Saksi, April 24, 2010)

Boy Villasanta

Jason Abalos at Ria Garcia, bagong loveteam

KUNG pagbabasehan ang kampanya ng publisidad na ikinakalat ng peryodistang pampelikula at patnugot ng mga aklat na si Terry Bagalso, tunay na ngang kaiga-igaya ang tambalang Jason Abalos at Ria Garcia.

Nagsimula ang tambalan nina Jason at Ria nang magpahanap ang kumpanya ng Cotton Club ng ipapalit kina Aljur Abrenica at Charice Solomon bilang mga image model ng kasuotan.

Unang nawala si Aljur at nais ng pangasiwaan na ang iba na ang maging modelo nila.

Pagkatapos ay hindi rin anila nakatupad sa mga kasunduan si Charice kaya nagpahanap din ang produksyon ng mga bagong modelo.

***

Naghanap si Terry ng mga kapalit ng mga establisado nang mga bituin pero ang isang Jason ay isa na ring matatag na pangalan sa showbiz.

Bagamat parang starlet pa lang ang kategorya ni Solomon, may dating na siya bilang komikerang bagets.

Kaya lang ay hindi na nila kaya ang mag-endorso ng kasuotan kaya kailangan na silang palitan.

Naisipan ni Terry si Abalos at ang baguhang si Ria.

Presto!

May bagong tambalan na sa daigdig ng pananamit.

***

Lalo na ngayong summer na talagang bagay na bagay ang personalidad na magkapartner nina Jason at Ria.

May sinulat nga si Bagalso na pagbebenta ng kasuotan na bagay sa panahon at sa tindi ng dating nina Abalos at Garcia.

Narito ang blurb ni Terry:

“Dama mo ba ang init? Hindi lang init, sobrang init! Panahon ng paglubog sa tubig, panahon ng outing. Pero ayon na rin sa mga dalubhasa, hindi na healthy ang sobrang init ngayon. Hindi na ligtas sa kalusugan, hindi rin maganda sa balat . Nariyan ang heat stroke, nariyan ang skin cancer.

Stay cool, stay fresh. Relax! Iwasan ang stress, iwasan ang init ng ulo at huwag magbilad sa araw. Tandaan, ang sobrang bilad sa araw ay nagiging dahilan ng mabilis na pagkulubot ng balat. Piliin din ang preskong kasuotan. Cotton, masarap sa katawan, magaan, presko at malambot . At dito maaasahan ang Cotton Club. Sa kalidad at halaga, panalo ka! Heto pa nga at may magandang handog ang Cotton club. Samantalahin ang buy 3 take 1 nilang offer ngayong summer. Go na kayo sa mga outlet na t-shirt na ito. Doble panalo ka!”

***

Samantala, ang isa pang naghahanap ng ka-loveteam ay ang anak ni Maria Isabel Lopez na si Mara Yokohama, isang batambatang aktres na nakakontrata dati sa ABS-CBN pero ngayon ay malaya na sa kanyang paggawa sa iba't ibang kumpanya ng pelikula at telebisyon.

Katatapos lang ni Mara ng kanyang kolehiyo sa De La Salle University sa Taft Avenue.

Nagtapos siya ng kursong AB Communication Arts at ayon sa kanya, nakatakda siyang magtrabaho ng international relations sa Japan.

Nakapasok na ang kanyang aplikasyon sa isang ahensiyang pang-embahada at panggobyerno kaya naman naghahanda na ang dalaga sa kanyang consular responsibilities.

***

Pero hinding-hindi niya iiwan ang kanyang pagsu-showbiz.

Katatapos din lang niya ng pelikulang “Happyland” para sa mahusay at premyadong direktor na si Jim Libiran na siya ring gumawa ng obrang “Tribu” tatlong taon na ang nakakaraan.

Leading lady si Mara ng baguhang pangalang Muslim ang screen name.

Ito ang aktor na babagay kay Mara.

Kilala rin si Mara bilang Mara Isabelle Lopez pero ni-retain na niya ang apelyido ng kanyang ama sa kanyang screen name.

Dumarami pa ang naghahabol na anak sila ni Palito; Albert Figueras at Erick Valeña, bati na

HINDI ipinagkaila ni Jhune Hipolito, isa sa mga anak ng namayapang komedyante na si Palito, Reynaldo Hipolito, na nang nakaburol ang kanyang ama ay marami pang dumating na mga bata at tin-edyer na nagsasabing anak din sila ng bituin.

Sila ay bukod pa kina Rachelle, 6; Rey-Ann, 5 at Rhian, 2 na mga anak ni Palito sa batambatang si Cecille Cinco na taga-Tacloban City sa Leyte.

Kahit sitenta y sais nang mamatay si Palito ay nakabuntis pa rin siya ng maraming babae.

“Naku, nang nakaburol pa si Daddy sa Loyola Memorial Chapels, ang daming nagpupunta ro’n na mga bata at kasama pa ‘yong mga nanay nila,” pahayag ni Jhune sa Starmall Jollibee kung saan kami nagkita sa disin sana’y pakikipag-usap niya kay Manny Huang ng Philippine Charity Sweepstakes Office kamakalawa ng hapon.

Tutulong pa rin ang PCSO sa pamamagitan ni Manny sa pamilya ni Palito kahit na-cremate na ang mga labi nito.

“Awang-awa ako kay Palito kaya tutulungan natin siya,” pangako ni Huang nakaratay pa sa banig ng karamdaman ang komiko.

Pero nahuli nga sa aming miting si Jhune dahil isasalang pa sa lotto draw si Manny at pag lumipas pa ang maraming oras ay hindi na siya matatagpuan sa kanyang upisina.

***

Kasyang-kasyang pasiyam din ng araw na ‘yon kay Palito at sina Jhune kasama ang kanyang kapatid sa ama na si Kent Ramirez ay nakatakdang dumalo sa pamisa at padasal sa kanilang ama sa bahay nila sa Malagasang 2 sa Imus, Cavite.

“Naku, may mga anak si Daddy sa isang nagngangalang Ligaya. Tapos, kay Janet. May mga dumating pa po sa punerarya na tatlong bata na anak din daw ni Daddy.

“Makikita mo naman po, mga kamukha sila ng Daddy kaya hindi maikakailang totoo ang sabi nila.

“May isang babae si Daddy na nakalusot sa pagdalaw kahit na hindi pumayag si Mommy na makadalaw ‘yong mga babae.

“Tiniyempuhan no’ng babae na lumabas sa punerarya si Mommy at saka pumasok ‘yong babae. Pero hinarang siya ng isa sa mga tita ko na kapatid ng mother ko. Pinaalis siya kasi, ayaw nga ni Mommy,” pahayag ni Jhune.

***

“May Reynante pa na pangalan. At saka, may mga kapatid pa ‘yong Reynante.

“Pero tinatanggap namin sila. ‘Yong mga anak nga ni Cecille, tinatanggap namin. Kaya lang, paano niya bubuhayin ang mga ‘yon? Sabi ni Cecille, babalik na lang siya sa Leyte.

“’Yon, binigyan ko ng limandaang piso. Si Arvin, nagbigay rin ng five hundred pesos. Wala rin kaming malaking pera, e,” pahayag ni Jhune.

“Alam ko, may mga anak pa si Daddy sa ibang bansa. Sa Japan, nag-show din ‘yan do’n. Tiyak na may anak din si Daddy ro’n,” sabi ni Kent na natatawa.

Si Kent ang nakakasama ni Palito sa mga shows niya sa Casino Filipino Pagcor sa may Santa Cruz.

“Alam mo, nakaka-touch. Kasi, nang huling magkita kami ni Daddy sa casino, sabi niya na ibibili niya raw ako ng bagong shoes. Tapos, namatay na nga siya,” malungkot na pahayag ni Ramirez na ang ina ay nagtatrabaho sa Guam.

“May nagti-text din sa akin mula sa States. Alam mo, anak din ‘yon ni Daddy. Kaya lang, naputol ‘yong text message niya,” pagbabalita pa ni Jhune.

***

Ayon kay Jhune, mga labingsiyam na anak sa labas meron ang kanyang ama.

‘Yon ay puwera pa si Kent.

“Gano’n nga siguro ang buhay,” pahayag ng batang Hipolito.

“Kung puwede lang, pag tumata ako sa lotto, aampunin ko ang lahat ng anak ni Daddy,” natatawang wika ni Jhune.

Isang simpleng pasiyam lang ang ginanap sa bahay ng mga Hipolito sa Cavite bagamat mas mabisa ang dasal kahit na sa anumang ritwal na puwedeng gawin sa pasiyam.

***

Samantala, bati na ang magkaibigang mga pamosong fashion designer na sina Albert Figueras at Erick Valeña.

Sa katunayan, mayroon silang magarang fashion show mamayang gabi sa Hard Rock Café sa Makati City.

Tubig ang sentro ng paksa at tema ng pagtatanghal nina Albert at Erick.

Good luck sa inyong dalawa.

Star Patrol (for Saksi, April 23, 2010)

Boy Villasanta

Pamilya ni Palito, nagpasiyam sa aktor; Albert Figueras at Erick Valeña, nagkaayos na

NAGKASUNDO kami ni Jhune Hipolito, isa sa mga anak ng namayapang komedyante na si Palito sa Starmall kamakalawa ng hapon.

Sasamahan naming makipagpulong si Jhune kay Manny Huang, isa sa masusugid na tagapamahala ng lotto draw ng Philippine Charity Sweepstakes Office.

Nangako kasi si Manny na tutulong sa pamilya ni Palito, Reynaldo Hipolito sa tunay na buhay, kahit noong buhay pa ang komiko at nakaratay pa sa Philippine General Hospital.

Pero hindi nga naasikaso ng pamilya ni Palito at ngayon lang nagkapanahon na dapat mamasyal sa PCSO para makausap si Huang.

Pero nahuli sa aming usapan si Jhune.

Dalawang solidong oras ang ipinaghintay namin sa kanya pero kailangan ngang umalis sa upisina si Manny dahil may kalog siya ng lotto.

At pagkatapos ay uuwi na siya ng bahay para naman makapagpahinga.

***

Kuntodo paghingi ng paumanhin si Jhune sa kanyang pagkaantala pero wala na ring magagawa ang kanyang paghingi ng dispensa dahil sa nagawa na nga niya ang pagkahuli sa usapan.

Ibinigay ko na lang kay Jhune ang cellphone number ni Huang at nang sila na ang mag-usap tungkol sa suportang ibibigay ng PCSO sa mga naulila ng bituin.

Maya-maya ay dumating pa si Kent Ramirez, ang isa sa mga anak ni Palito sa ibang babae pero tinatanggap nang lubusan ng mga legal na Hipolito.

Anak si Kent ng isang nagtatrabaho sa Guam.

Musikero si Kent at nagbabanda.

Tiyempong pasiyam noong kamakalawa kay Palito at kahit na si Kent ay nag-anyaya sa amin na makipagtapos sa kanyang ama.

Nagtanong siya kung ano ang balak namin sa pasiyam sa aktor pero ang sinabi lang namin sa kanya ay may usapan kami ng kanyang Kuya Jhune sa Starmall para makapunta sa PCSO.

‘Yon pala ay susunod si Ramirez.

***

Sa aming umpukan sa Jollibee na namin napag-ukulan ng pansin ang kuwentuhan sa pribadong buhay ni Palito at sa mga posibleng anak nito sa iba’t ibang babae.

“Naku, may mga anak si Daddy sa isang nagngangalang Ligaya. Tapos, kay Janet. May mga dumating pa po sa punerarya na tatlong bata na anak din daw ni Daddy.

“Makikita mo naman po, mga kamukha sila ng Daddy kaya hindi maikakailang totoo ang sabi nila.

“May isang babae si Daddy na nakalusot sa pagdalaw kahit na hindi pumayag si Mommy na makadalaw ‘yong mga babae.

“Tiniyempuhan no’ng babae na lumabas sa punerarya si Mommy at saka pumasok ‘yong babae. Pero hinarang siya ng isa sa mga tita ko na kapatid ng mother ko. Pinaalis siya kasi, ayaw nga ni Mommy,” pahayag ni Jhune.

***

“May Reynante pa na pangalan. At saka, may mga kapatid pa ‘yong Reynante.

“Pero tinatanggap namin sila. ‘Yong mga anak nga ni Cecille, tinatanggap namin. Kaya lang, paano niya bubuhayin ang mga ‘yon? Sabi ni Cecille, babalik na lang siya sa Leyte.

“’Yon, binigyan ko ng limandaang piso. Si Arvin, nagbigay rin ng five hundred pesos. Wala rin kaming malaking pera, e,” pahayag ni Jhune.

“Alam ko, may mga anak pa si Daddy sa ibang bansa. Sa Japan, nag-show din ‘yan do’n. Tiyak na may anak din si Daddy ro’n,” sabi ni Kent na natatawa.

Si Kent ang nakakasama ni Palito sa mga shows niya sa Casino Filipino Pagcor sa may Santa Cruz.

“Alam mo, nakaka-touch. Kasi, nang huling magkita kami ni Daddy sa casino, sabi niya na ibibili niya raw ako ng bagong shoes. Tapos, namatay na nga siya,” malungkot na pahayag ni Ramirez na ang ina ay nagtatrabaho sa Guam.

“May nagti-text din sa akin mula sa States. Alam mo, anak din ‘yon ni Daddy. Kaya lang, naputol ‘yong text message niya,” pagbabalita pa ni Jhune.

***

Ayon kay Jhune, mga labingsiyam na anak sa labas meron ang kanyang ama.

“Gano’n nga siguro ang buhay,” pahayag ng batang Hipolito.

“Kung puwede lang, pag tumata ako sa lotto, aampunin ko ang lahat ng anak ni Daddy,” natatawang wika ni Jhune.

Isang simpleng pasiyam lang ang ginanap sa bahay ng mga Hipolito sa Cavite bagamat mas mabisa ang dasal kahit na sa anumang ritwal na puwedeng gawin sa pasiyam.

***

Samantala, bati na ang magkaibigang mga pamosong fashion designer na sina Albert Figueras at Erick Valeña.

Sa katunayan, mayroon silang magarang fashion show mamayang gabi sa Hard Rock Café sa Makati City.

Tubig ang sentro ng paksa at tema ng pagtatanghal nina Albert at Erick.

Good luck sa inyong dalawa.

Mar Lopez ng D’Big Three Sullivans at Tatlong Pinoy bilang announcer sa DWIZ

TIYAK na may loyalty award na si Mar Lopez, ang isa sa mga miyembro ng sikat na sikat na D’Big Three Sullivans at Tatlong Pinoy sa larangan ng broadcasting.

Mula nang maging announcer siya sa DWIZ ay napanatili niyang nasa istasyon pa siya ni Anthony Cabangon-Chua hanggang sa mga sandaling ito.

“Ganyan ako kung magpahalaga sa kapwa ko. Binigyan ako ni Tony ng chance kaya pinagbubuti ko,” pahayag ni Mar sa burol ni Palito kamakailan sa Loyola Memorial Chapels sa Guadalupe sa Makati City.

Ilang taon na nga ba si Mang Mar sa DWIZ?

“Matagal na kami r’yan kaya nga parang bahay na rin namin ang istasyon na ‘yan,” sabi ni Lopez.

Sinigundahan siya ng kanyang misis na alam na ninyong announcer na rin?

Kasi nga’y sayang din naman ang kanyang puwedeng sabihin sa balana.

***

Naging announcer ang asawa ni Mang Mar nang umalis na ang record producer ng mga awiting Ilocano, Bicolano at Bisaya na si Ernie de la Cruz.

Ernie de la Cruz who?

Sino pa kundi si Ernie de la Cruz na dating taga-Vicor Recording Company sa panahon nina Geraldine, Rey Valera, Anthony Castelo at marami pang iba?

Si Ernie de la Cruz na naging producer ng kauna-unahang plaka ni Lea Salonga.

Magka-co-host sina Mar at Ernie pero umalis na nga ang huli at nagtungo na sa Radio Veritas nina Mario Garcia, Angelique Lazo at marami pang iba.

***

Nag-i-enyoy ang asawa ni Lopez sa radio at kung anu-ano ang pinagkukukutinting nito.

“Ang sarap mag-radyo,” pahayag ni Mrs. Lopez.

“Nagpapasok din ako ng commercial sa DWIZ. Kaya nga masaya, e. Nakakatulong na ako sa istasyon ay nakakapag-radyo pa ako. Nakaka-miss talaga ang radio kaya lang, hindi kami puwede na araw-araw,” paliwanag ng esposa ni Mang Mar.

Tuwing umaga ng araw ng Linggo nagraradyo sina Mar.

Alas singko ng umaga hanggang alas sais ang kanilang time slot at kahit na alas tres ng umaga ay gising na ang mag-asawa, masaya pa rin dahil showbiz na showbiz ito at kailangang alagaan sa pagdaraan ng panahon.

Sa gabi naman ng Linggo ay nasa Associated Broadcasting Corporation si Mang Mar para sa kanilang sitcom ni Dolphy na “Pidol’s Wonderland” para sa Channel 5, kilala rin sa tawag na TV5.

“Malakas na ang ‘Pidol’ Wonderland’ baka akala mo. Gustung-gusto ‘yon ng mga bata,” pagmamalaki ni Mrs. Lopez.

***

Mukhang halos pare-pareho ang drama ng mga komedyante dahil tulad ng namayapang si Palito, parang playboy rin si Mar pero tinatanggap ito ng kanyang asawa.

“Ako, kasundo ko lahat ng mga babae ng asawa ko. Nakikipag-usap sila sa akin. Ako naman, nakikipagkaibigan din sa kanila. Para walang samaan ng loob.

“Gano’n lang ang buhay. Bastat nauunawaan namin ang isa’t isa. Kaya lang, siyempre, hindi mo masasabi ang buhay pero kung nagmamahalan tayong lahat, walang kaso,” katwiran ni Mrs. Lopez.

Star Patrol (for Saksil, April 22, 2010)

Boy Villasanta

Loyalty award ni Mar Lopez sa pagraradyo sa DWIZ

HINDI lang sina Alvin Capino o Eli Aligora ang mga star announcer ng DWIZ, ang istasyon na pinagmamay-arian ng negosyanteng si Anthony Cabangon-Chua.

Maging si Mar Lopez ng D’Big Three Sullivans at Tatlong Pinoy ay malaki ring pangalan sa radyo.

Hindi nga ba’t si Ariel Ureta ay isa ring maipagmamalaking radio personality ng DZMM?

Komedyante rin si Ariel kaya pareho lang sila ni Mar bagamat magkaiba ang kanilang tatak ng pagpapatawa.

Kung magbibigayan ng parangal sa matatapat na announcer ng DWIZ, isa si Mang Mar sa talagang maghahakot ng loyalt award dahil sa kanyang pagyakap sa himpilan sa maraming taon.

***

Noong kasama pa ni Mar ang record producer na si Ernie de la Cruz ay lalo pang masigla si Lopez pero nagawa niyang pasiglahin nang nagsosolo ang kanyang programa.

Teka, sino nga ba si Ernie de la Cruz?

Sino pa, e, di ang dating taga-Vicor Recording Company na si Ernie de la Cruz na ngayon ay record producer na ng kanyang mga kantang Ilocano, Bicolano at Bisaya.

Si Ernie de la Cruz na nagsilbi kay Vic del Rosario sa mahabang panahon.

Si Ernie de la Cruz na naging producer si Lea Salonga sa kauna-unahang plaka at LP ng international star.

Ngayon ay nasa Radio Veritas na si Ernie kasama sina Mario Garcia, Angelique Lazo at marami pang iba.

***

“Sayang si Ernie. Pero hindi naman namin siya mapigilan dahil karapatan niya na maghanap kung saan niya gusto. May pinagsamahan din kami,” pahayag ni Mrs. Lopez.

Pero magkukumpare pa rin sina de la Cruz at Mar.

Bastat maliit lang ang industriya at sila-sila, kami-kami pa rin ang magkakabanggaan.

Kaya nga kahit na naghihinayang din si Mar ay wala siyang magagawa dahil may sariling diskarte ang bawat tao.

Ang diskarte naman ni Mar ay ang kanyang pagyakap nang todo sa DWIZ.

Kung maaari nga ay gawaran agad siya ng loyalty award para sa kanyang pagmamahal sa himpilan.

***

Masaya ang mga Lopez sa radyo.

Alam ba ninyo na pati si Mrs. Lopez ay announcer na rin.

“Nag-i-enjoy rin ako. Naku, talagang nakaka-miss ang radyo pag wala ka sa harap ng mikropono. Kaya nga ang gusto ko, laging araw ng Linggo,” wika ni Mrs. Lopez.

Tuwing alas singko ng umaga ang time slot ng programa nina Mar.

“Kahit gumising kami ng three o-clock in the morning, okey lang. Tapos, diretso na kami sa istasyon,” kuwento ni Mrs. Lopez.

Sa kahabaan lang ng Shaw Boulevard, sa may kanto ng Oranbo Street sa Pasig City ang studio ng DWIZ at mula sa Fairview ay nagbibiyahe ang mga Lopez patungo sa istasyon at hindi na nila ito makakalimutan sa tanang buhay nila.

“Nagpapasok din ako ng commercial sa DWIZ kaya nagraradyo na kami ay nakakatulong pa sa station,” pahayag ni Mrs. Lopez.

May mga show pa ang mag-asawa sa iba’t ibang panig ng Pilipinas at kahit na sa ibang bansa.

Minsan ay nakakasama pa ni Mar si Dolphy sa mga pagtatanghal sa ibayong-dagat.

***

Napapag-usapan na rin lang si Dolphy.

Alam ba ninyo na maganda ang samahan nina Mar at Dolphy?

Sa umaga ng Linggo ay nasa DWIZ si mar at sa gabi naman ay nasa Associated Broadcasting Corporation naman siya sa kanilang sitcom ni Dolphy na “Pidol’s Wonderland” para sa Channel 5, kilala rin sa tawag na TV5.

“Malakas na ang ‘Pidol’ Wonderland’ baka akala mo. Gustung-gusto ‘yon ng mga bata,” pagmamalaki ni Mrs. Lopez.

***

Samantala, tulad ng namayapang si Palito, parang playboy rin si Mar pero tinatanggap ito ng kanyang asawa.

“Ako, kasundo ko lahat ng mga babae ng asawa ko. Nakikipag-usap sila sa akin. Ako naman, nakikipagkaibigan din sa kanila. Para walang samaan ng loob.

“Gano’n lang ang buhay. Bastat nauunawaan namin ang isa’t isa. Kaya lang, siyempre, hindi mo masasabi ang buhay pero kung nagmamahalan tayong lahat, walang kaso,” katwiran ni Mrs. Lopez.

Batambatang nabuntisan ng kamamatay na 76-year old na si Palito, nakakabawi na

TULUYAN nang hindi nakapasok sa Loyola Memorial Chapels sa Guadalupe sa Makati City ang batambatang kalaguyo ni Palito nang huling araw ng lamay sa komedyante.

Naghihimutok si Cecille Cinco, trenta y tres anyos na dalaga na taga-Tacloban City sa Leyte dahil sa hindi siya pinayagan talaga ng pamilya ni Palito na makita ang mga labi ng kanyang mahal.

Nag-live in nang pitong taon sina Cecille at Palito at biniyayaan sila ng mag-aapat na anak.

Tatlo ngayong mga babaing bata ang anak ng dalawa na sina Rachelle, 6; Rey-Ann, 5 at Rhian, 2.

Anim na buwan naman ang dinadala ni Cecille sa kanyang sinapupunan na ginawa nila ni Palito nang wala pang grabeng sakit ang komiko.

***

Nang maghintay si Cecille sa labas ng Loyola, luha lang ang kanyang kapiling habang nagpapalahaw sa iyak si Rachelle sa loob ng punerarya.

Nakipag-usap naman nang masinsinan ang isa sa mga anak na lalaki ni Palito, Reynaldo Hipolito sa tunay na buhay, na si Jhune kay Cecille.

Ngayon ani Alma Cinco, kapatid na bunso ni Cecille, okey na ang kanyang kaputol ng pusod.

“Mabuti na po ang pakiramdam ni Ate Cecille. Nakakapagsalita na siya nang mahusay,” pahayag ni Alma.

“Nakakabawi na siya pero talagang malungkot na malungkot siya nang mamatay si Kuya Palito,” pagtatapat ni Alma.

***

Matagal sa isang tindahan sa may labas ng Loyola si Cecille na nag-anbatay sa kanyang tatlong anak.

Nang makalabas ang mga bata, dumiretso na sila sa Pook Maligaya, ang kinatitirikan ng kanilang bahay na pinag-live-in-nan nila ni Palito nang pitong taon.

“Okey na rin sa kanya na ang mga bata na lang ang nakakita sa kanilang ama,” sabi ni Alma.

“Kasi, baka nga magkagulo pa sa Loyola, e, marami pang mag-iskandalo,” sabi ni Alma.

***

Natutulog nang mahimbing sa silid ng punerarya ang tunay at unang asawa ni Palito na si Remedios Hipolito.

Matagal na nakahimlay si Aling Remedios kaya wala siyang kamalay-malay na nandoon ang mga anak na paslit ni Palito.

Nagkakila-kilala naman ang kanyang mga anak na sina Jhune, Arvin, Ardy at Arlene at ang mga batang wala pang muwang.

Tanggap na tanggap naman nila ang anak ng kanilang ama sa batambatang si Cecille.

Si Kent Ramirez nga na isang musikero at miyembro ng banda ay anak din ni Palito sa ibang babae pero kapisan ito nina Jhune, Arvin at Remedios sa Malagasang 2 sa Imus, Cavite.

***

Ang iniintindi na lang ngayon ni Cecille ay ang pagkuha ng pamasahe nilang mag-iina.

Babalik na lang anya siya sa Tacloban at doon ay magsisimula ng bagong buhay.

Sana nga anya ay makatulong sa kanya si Vicky Morales, ang host ng public affairs show na “Wish Ko Lang” ng GMA Network.

Si Vicky rin at ang pangasiwaan ng Channel 7 ang gumastos sa burol at pagki-cremate kay Palito.

Nananalangin din si Cinco na maawa sa kanya ang iba pang may ginintuang puso para maipagpatuloy nila ang kanilang buhay na mag-iina sa malayong lalawigan na tahimik at walang iistorbo sa kanila.

Star Patrol (for Saksi, April 21, 2010)

Boy Villasanta

33-year old na nabuntisan ng kamamatay lang na 76-year na si Palito, nais nang umuwi sa Leyte

HINDI na nga ipagtatanong pa ang tindi at tinik ng tinaguriang dakilang bangkay ng showbiz na si Palito.

Kamakailan ay talagang ginampanan na niya ang tunay na papel ng isang patay sa tunay na buhay nang siya ay kitlan ng hininga ng Panginoong Diyos nang dahil sa malubhang sakit sa baga.

Namatay si Palito sa gulang na pitumpu’t anim at ang kanyang kalaguyo na si Cecille Cinco ay tatlumpu’t tatlong taong gulang naman.

Pitong taon ding nagsama sa ilalim ng isang bubong si Palito at si Cecille at biniyayaan sila ng mag-aapat na anak.

Anim na taon ang edad ng panganay nina Palito at Cecille na si Rachelle samantalang limang taong gulang ang pangalawa, si Rey-Ann at dos anyos naman ang pangatlo na si Rhian.

Kagampan naman si Cecille ngayong mga araw na ito at anim na buwan din ang kanyang tiyan.

***

Ayon sa kapatid na bunso ni Cecille na si Alma Cinco, nakakabawi na an kanyang kapatid.

“Okey na po siya. Nakakapagsalita na siya,” pahayag ni Cecille.

Ito ay hindi katulad noong kamamatay lang ni Palito at nakahimlay ang mga labi nito sa Loyola Memorial Chapels sa Guadalupe sa Makati City.

Talagang nagpupuyos sa sama ng loob si Cecille dahil may parating na balita sa kanya na hindi siya puwedeng dumalaw sa burol ng kanyang mahal na si Palito, Reynaldo Hipolito sa tunay na buhay.

“Sana naman, kahit na ‘yong mga anak man lang namin, makadalaw,” pakiusap ni Cecille.

Pero talagang ayaw pumayag ng mga Hipolito.

Ayon sa isa sa mga tunay na anak ni Palito, nagalit ang mga Hipolito kay Cecille dahil sa pagti-text nito sa kanila ng masasamang salita.

Pero nagpaliwanag na si Alma tungkol dito.

Para sa amin, hindi rin magagawa ni Cecille ang ibinibintang sa kanya dahil wala naman itong cellphone at mabait naman siyang tao.

Ang pinaghihinalaan ngayon ay ang mga pareho ring mga impostor at impostora nina Kris Aquino, Jericho Rosales, Robin Padilla at John Prats na nagsabi sa text na tutulong sila sa pagpapagamot ni Palito pero hindi naman totoo.

***

Nang payagan na ang mga anak nina Palito at Cecille na makabisita sa lamay ay naiwan sa labas ng Loyola ang kanilang nila.

Naghintay lang sa isang tindahan na may bubungan si Cecille at tumatangis lang siya nang marubdob at tahimik sa kanyang loob.

Walang kamalay-malay ang mga taong nagdaraan sa labas ng Loyola na ang babaing malungkot ay ang kalaguyo ni Palito.

Sa loob ng punerarya ay nagpalahaw sa iyak si Rachelle, ang malapit na malapit kay Palito samantalang lumuluha rin si Rey-Ann pero hindi malakas at si Rhian ay nakatingin lang sa bangkay ng kanyang ama.

Si Jhune ang nakipag-usap nang masinsinan kay Cecille sa labas ng punerarya at naintindihan naman ng babae ang sitwasyon.

***

Naghahanda na si Cecille para makalikom ng kanilang pamasaheng mag-iina pabalik ng Tacloban City sa Leyte.

Ang maganda nito ay tumutulong sa kanila ang kanyang bunsong kapatid na si Alma.

Si Alma nga ang isa sa mga daan para matuloy ang pagdalaw ng mga paslit na anak ni Palito sa punerarya.

Si Alma rin ang tinutuluyan ng mag-iina nang hindi na makabayad si Cecille sa entresuwelong kanilang inuupahan ni Palito.

“Sana naman ay matulungan ni Vicky Morales ang Ate Cecille ko at ang mga anak niya. Kasi, walang-wala talaga sila. Paano sila makakauwi sa Tacloban ay wala man lang silang pamasahe?

“Sana, maawa ang ‘Wish Ko Lang’ at bigyan sila ng pamasahe. Kasi, nais nang mamuhay nang tahimik ng kapatid ko,” pahayag pa ni Alma na pursigido na magmakaawa sa mga may ginintuang puso na bigyan ng suporta nag kanyang kaputol ng pusod.

Palito, dinalaw ni Dolphy bago i-cremate

HUMUGOS ang malalaking tao, bumaba sa lupa mula sa langit-langitan ng pelikulang Filipino ang mga bituin sa huling araw ng lamay sa sikat na komedyanteng si Palito noong bago siya i-cremate.

Ayon sa kanyang anak na si Jhune Hipolito, maraming kaibigan ang kanyang ama na hindi nagkait ng kanilang mahahalagang sandali makapiling lang ang namayapa.

“Pumunta po si Dolphy, Charlie Davao at marami pang iba,” pahayag Jhune.

Para kay Jhune, maituturing na magandang pagkakataon ang lamay sa kanyang ama sa pagbibigkis muli ng mga artista sa lokal na aliwan.

Hindi matatawaran ang impluwensiya ni Dolphy kay Palito sa pagpapatawa at nagkasama rin sila sa maraming proyekto.

***

Namatay si Palito, Reynaldo Hipolito sa tunay na buhay, noong mga unang bahagi noong isang linggo nang dahil sa matindi at malalang sakit sa baga.

“Nagpapasalamat po kami sa lahat na nagbigay ng tulong at mga taong hindi nakalimot sa aming ama,” pahayag ni Jhune, isa sa tatlong anak na lalaki ni Palito kay Remedios Hipolito.

Kapatid rin ni Jhune sina Ardy, Arlene Hipolito-Menguito at Arvy Hipolito.

Gayunman, may kapatid rin silang lalaki na iba ang ina, si Kent Ramirez na nasa Guam ang ina.

“Pero tanggap na tanggap po namin si Kent. Sa katunayan, sa bahay sa Malagasang 2 sa Imus, Cavite nakatira si Kent,” sabi ni Jhune.

Mag-aapat naman ang kapatid nina Jhune sa huling babae ni Palito na si Cecille Cinco ng Pook Maligaya, Quezon City.

***

Tinatanggap na rin ng mga Hipolito ang maliliit na anak ni Palito kay Cecille at ang ipinagbubuntis nito.

Anim na taong gulang ang panganay nina Cinco at Palito na si Rachelle samantalang limang taong gulang si Rey-Anne at dalawang taon si Rhian.

Anim na buwan din ang pumipintig sa sinapupunan ni Cecille.

“Maganda naman po ang sinulat ninyo tungkol sa ibang anak ng Daddy namin,” sabi ni Jhune.

***

Naghihintay pa rin sina Jhune ng tulong mula sa Philippine Charity Sweepstakes Office sa pamamagitan ng isa sa mga namamahala ng lotto draw na si Manny Huang.

Isa sa mga araw na ito ay dadalaw ang mga anak ni Palito kay Manny para sa tulong na ipinangako ni Huang sa kanila.

Si Conrad Poe ang siyang susi sa suportang ito ni Manny sa pamilya ni Palito.

Buhay pa sana ay tutulong na ang PCSO kay Palito pero bigla ngang namatay ang aktor kaya ngayong pagka-cremate na lang sa kanya ibibigay.

Pero ang sabi ni Zeny Poe, ang misis ni Conrad ay ang huli na ang mag-aasikaso ng lahat na manggagaling sa PCSO.

Samantala, sinabi ni Jhune na wala namang malalaking tao sa cremation ng kanyang ama.

“’Yon pong mga anak ni Teroy de Guzman, nagpunta. Nakilala ko na rin po si Luz Villalon na nagpakilala sa inyo kay Cecille. Okey naman po si Ate Luz,” sabi ni Jhune.

Star Patrol (for Saksi, April 19, 2010)

Boy Villasanta

Cremation ni Palito, maluwalhating nairaos

SINUNOG na ang buong katawang mortal ni Palito kamakailan sa Loyola Memorial Chapels sa Guadalupe sa Makati City.

Ang ibig sabihin ay na-cremate na ito.

Pero bago isinagawa ang pag-aabo sa sikat na aktor ay nagsidalaw pa ang malalaking tao sa kanyang burol.

“Dumating po si Dolphy at si Charlie Davao. Kaya po nagpapasalamat kami sa lahat ng nagbigay ng tulong sa aming pamilya kahit po sa spiritual side,” pahayag ni Jhune Hipolito, isa sa mga anak na lalaki ng komedyante.

Sumakabilang-buhay si Palito, Reynaldo Hipolito sa tunay na buhay sa gulang na pitumpu’t anim sa Philippine General Hospital sa Maynila noong isang linggo nang dahil sa malubhang bara sa kanyang dibdib na hindi na nalaman kung gaano kalala dahil hindi na napa-CT scan sa isang laboratoryo.

***

Bago i-cremate si Palito ay nagbigay rin ng panalangin at bisitasyon ang mga anak ng isa sa kanyang mga naging kaibigan sa showbiz na mga anak ni Teroy de Guzman.

“Pabalik-balik po sa punerarya ang mga anak ni Tito Teroy at nagpapasalamat kami sa kanila. Maraming kaibang ang Daddy namin at nagpapasalamat kami,” pahayag ni Jhune.

Ang abo ng bituin ay ilalagak nina Jhune sa kanilang tahanan sa Malagasang 2 sa Imus, Cavite.

Doon ay aalayan ng mga Hipolito ng mga bulaklak at dasal ang kanilang ama.

***

“Ipagpapatuloy namin ang kabaitan ng aming ama. Bastat makikipag-ugnayan kami sa showbiz. Anyway, nand’yan naman po kaming lahat.

May isang kapatid sina Jhune na si Kent at nag-aartista ito at kumakanta sa banda.

“Nagpapasalamat din ako kay Ate Flor dahil sa tulong niya sa amin. Taga-Rivermaya si Ate Flor at mabait siya,” sabi ni Jhune,

“Nagpapasalamat po kami sa lahat na nagbigay ng tulong at mga taong hindi nakalimot sa aming ama,” pahayag pa ni Jhune, isa sa tatlong anak na lalaki ni Palito kay Remedios Hipolito.

Kapatid rin ni Jhune sina Ardy, Arlene Hipolito-Menguito at Arvy Hipolito.

Gayunman, may kapatid rin silang lalaki na iba ang ina, si Kent Ramirez na nasa Guam ang ina.

“Pero tanggap na tanggap po namin si Kent. Sa katunayan, sa bahay sa Malagasang 2 sa Imus, Cavite nakatira si Kent,” sabi ni Jhune.

Mag-aapat naman ang kapatid nina Jhune sa huling babae ni Palito na si Cecille Cinco ng Pook Maligaya, Quezon City.

***

Tinatanggap na rin ng mga Hipolito ang maliliit na anak ni Palito kay Cecille at ang ipinagbubuntis nito.

Anim na taong gulang ang panganay nina Cinco at Palito na si Rachelle samantalang limang taong gulang si Rey-Anne at dalawang taon si Rhian.

Anim na buwan din ang pumipintig sa sinapupunan ni Cecille.

“Maganda naman po ang sinulat ninyo tungkol sa ibang anak ng Daddy namin,” sabi ni Jhune.

***

Naghihintay pa rin sina Jhune ng tulong mula sa Philippine Charity Sweepstakes Office sa pamamagitan ng isa sa mga namamahala ng lotto draw na si Manny Huang.

Isa sa mga araw na ito ay dadalaw ang mga anak ni Palito kay Manny para sa tulong na ipinangako ni Huang sa kanila.

Si Conrad Poe ang siyang susi sa suportang ito ni Manny sa pamilya ni Palito.

Buhay pa sana ay tutulong na ang PCSO kay Palito pero bigla ngang namatay ang aktor kaya ngayong pagka-cremate na lang sa kanya ibibigay.

Pero ang sabi ni Zeny Poe, ang misis ni Conrad ay ang huli na ang mag-aasikaso ng lahat na manggagaling sa PCSO.

Samantala, sinabi ni Jhune na wala namang malalaking tao sa cremation ng kanyang ama.

“’Yon pong mga anak ni Teroy de Guzman, nagpunta. Nakilala ko na rin po si Luz Villalon na nagpakilala sa inyo kay Cecille. Okey naman po si Ate Luz,” sabi ni Jhune.