Brillante Mendoza, sumaglit sa Pilipinas para dumalo sa Urian Awards kagabi pero bumalik din agad sa Tribeca

JETSETTER talaga ang premyadong filmmaker na si Brillante Mendoza, kilala rin sa tawag Dante Mendoza.

Alam ba ninyo na dumating siya noong ika-25 ng Abril, 2010 para lang dumalo sa Gawad Urian ng mga Manunuri ng Pelikulang Pilipino, ang isa sa kakaunting kapani-paniwalang award-giving body sa bansa?

Ginanap ang Urian awards night noong ika-29 ng Abril, 2010, kahapon at pinaghandaan niya talaga ang gabi ng parangal na ito dahil nga binibigyan siya ng matamang pagkilala ng grupo.

Ang MPP ay samahan ng mga intelektuwal na mga kritiko na naghahatag ng parangal sa mahuhusay sa pelikulang Filipino.

Dalawa-dalawa at sampu-sampu pa nga ang nominasyon ng kanyang mga pelikulang “Kinatay” at “Lola,” kapwa nilikha ng Centerstage Productions at Swift Productions.

***

Mula sa Estados Unidos si Brillante upang dumalo sa paanyaya ng batikan at premyadong Hollywood actor na si Robert de Niro na sinimulan noong ika-22 ng Abril, 2010.

Kinikilala ang film festival na ito ang kakayahan at kagalingan ni Mendoza sa paggawa ng pelikula dahil sa kanyang mga naipakitang birtud sa pagdidirek mula pa sa “Masahista” hanggang sa “Lola” na nagkamit ng iba’t ibang premyo sa maraming international film festival.

Tinatawag din na Tribeca International Film Festival ang sinimulang ito ni de Niro.

Itinatag ang Tribeca sa New York noong 2002 at marami nang naghahangad na mapasali sa pestibal na ito.

At karangalan ng Pilipinas na ang isang kababayan nating si Dante Mendoza ay maimbitahan sa selebrasyong ito.

***

Hindi maiisnab ni Dante ang isang Robert de Niro.

Kasama ang mga pelikula ni Mendoza sa kompetisyon kaya naman hindi siya nakahindi kay de Niro na personal na humiling sa kanyang pagsali sa gawaing ito ng Italian Hollywood actor.

Nagkukumahog naman si Brillante sa pag-uwi dahil nga inirerespeto niya ang mga miyembro ng MPP.

Nakakahigit ang mga Manunuri sa kritikal na pagsipat at pagkilatis sa mga kahalagahan ng isang pelikula sa pag-angat ng lipunan at sa pagtulong na maigabay ang mga manonood sa wastong pelikulang dapat panoorin.

***

Pagkatapos na pagkatapos ng Urian awards night ay nagtungo agad siya sa Ninoy Aquino International Film Festival para makabalik sa Tribeca dahil nga nananabik si Brillante sa pagpapahalaga sa kanya ng mga internasyunal na komunidad ng mga manggagawa ng pelikula.

Pagkatapos sa Tribeca ay pupunta naman si Brillante sa Israel para naman sa pagbibigay sa kanya ng tribute ng bansang ‘yon.

O, laban kayo?

Ang minamaliit ng ibang sektor sa showbiz ay ipinagmamalaki sa maraming panig ng daigdig.

Ano ba naman tayong mga Filipino sa paghatak pababa sa mga makabuluhang tao sa ating lipunan?

Paano ba naman tayo uunlad n’yan?

Star Patrol (for Saksi, April 30, 2010)

Boy Villasanta

Um-attend lang ng Gawad Urian kagabi si Brillante Mendoza at bumalik din sa US pagkatapos

ANO ang maitatawag natin sa premyadong filmmaker na si Brillante Mendoza sa kanyang rikotitos sa lipunang Filipino?

Hindi nga ba’t si Brillante, kilala rin sa tawag na Dante Mendoza, ay panay ang ikot sa iba’t ibang lugar sa mundo lalo na ngayong mga panahong ito?

Jetsetter ang puwedeng ibinyag natin sa kanya, hindi ba?

Kasi nga ay umalis siya noong ika-21 ng Abril, 2010 para dumalo sa prestihiyosong Tribeca International Film Festival sa Estados Unidos at dumating naman noong ika-25 ng buwan ding ito para naman dumalo lang sa pagdiriwang ng Manunuri ng Pelikulang Pilipino.

***

Kagabi ay idinaos ang Gawad Urian ng MPP sa University of the Philippines Film Institute sa Diliman, Quezon City at nagdiwang ang maraming taga-showbiz.

Sa Cine Adarna ay ginanap ang maringal at marangal na awards night.

Kaya nga nakasentro ang atensyon ng lahat kay Mendoza.

Hindi pa nag-iinit ang puwet ng premyadong direktor ay kailangan naman niyang tumayo para dumiretso sa Ninoy Aquino International Film Festival.

Para kay Dante ay sapat nang kinilala ng mga Manunuri ang kanyang dalawang pelikula, ang “Kinatay (The Execution of P)” at “Lola,” na kapwa nilikha ng Centerstage Productions at Swift Productions.

Napakaraming nominasyon ng mga obrang ito kaya naman tuwang-tuwa si Brillante.

Dapat lang dahil karapat-dapat ang kanyang mga likhang-sining sa pagsulong ng industriya ng pelikulang Filipino.

***

Mula sa Estados Unidos si Brillante upang dumalo sa paanyaya ng batikan at premyadong Hollywood actor na si Robert de Niro na sinimulan noong ika-22 ng Abril, 2010.

Kinikilala ang film festival na ito ang kakayahan at kagalingan ni Mendoza sa paggawa ng pelikula dahil sa kanyang mga naipakitang birtud sa pagdidirek mula pa sa “Masahista” hanggang sa “Lola” na nagkamit ng iba’t ibang premyo sa maraming international film festival.

Tinatawag din na Tribeca International Film Festival ang sinimulang ito ni de Niro.

Kauna-unahan ito sa pagdiriwang ng Tribeca at marami nang naghahangad na mapasali sa pestibal na ito.

At karangalan ng Pilipinas na ang isang kababayan nating si Dante Mendoza ay maimbitahan sa selebrasyong ito.

***

Hindi maiisnab ni Dante ang isang Robert de Niro.

Kasama ang mga pelikula ni Mendoza sa kompetisyon kaya naman hindi siya nakahindi kay de Niro na personal na humiling sa kanyang pagsali sa gawaing ito ng Italian Hollywood actor.

Nagkukumahog naman si Brillante sa pag-uwi dahil nga inirerespeto niya ang mga miyembro ng MPP.

Nakakahigit ang mga Manunuri sa kritikal na pagsipat at pagkilatis sa mga kahalagahan ng isang pelikula sa pag-angat ng lipunan at sa pagtulong na maigabay ang mga manonood sa wastong pelikulang dapat panoorin.

***

Pagkatapos na pagkatapos ng Urian awards night ay nagtungo agad siya sa paliparan para makabalik sa Tribeca dahil nga nananabik si Brillante sa pagpapahalaga sa kanya ng mga internasyunal na komunidad ng mga manggagawa ng pelikula.

Pagkatapos sa Tribeca ay pupunta naman si Brillante sa Israel para naman sa pagbibigay sa kanya ng tribute ng bansang ‘yon.

O, laban kayo?

Ang minamaliit ng ibang sektor sa showbiz ay ipinagmamalaki sa maraming panig ng daigdig.

Ano ba naman tayong mga Filipino sa paghatak pababa sa mga makabuluhang tao sa ating lipunan?

Paano ba naman tayo uunlad n’yan?

May kalaban na ang Ginoong Filipinas ni Dr. Lito de la Merced at iba pang male beauty contest

SA isang demokrasya, ang diwa ng malayang pakikipagkalakal at paghahain ng mga bagong ideya ay niyayakap at sinusuportahan ng sinumang naniniwala sa katuturan ng mga gawaing ‘yon.

Nang simulan ni Dr. Lito de la Merced ang Ginoong Filipinas ilang taon na ang nakakaraan, ang kanyang bisyon ay maipagmalaki ang mga kalalakihan bilang mga nilikha para sa kagandahan at magandang pananaw sa kasarian.

Hindi ibig sabihin na ang mga lalaki ay nagpapaseksi ay malaswa na at nagpapakaburara kundi man nagpapaka-cheap at parang nagpapakabakla.

Hindi ito ang kahulugan ng demokrasya para sa kabutihan ng sangkatauhan.

Dahil ang anumang bago kabilang ang pananaliksik ay para makapagtaguyod sa pagbuti at pagganda ng buhay.

Bagamat batbat ng mga kontrobersya, naninindigan si Lito na ang kanyang Ginoong Filipinas ay para sa pag-unlad ng kaisipan ng sambayanan sa pagtanaw sa pantay na pagtingin sa mga kasarian sa lipunan.

***

Ngayon naman ay marami nang nagsusulputang mga timpalak sa pagandahang lalaki sa pangangatawan at hitsura ng personalidad kabilang ang aktitud at pananaw sa buhay.

Hindi na mabilang ang mga paligsahan na nagsusulputan na apat na sulok ng lipunan kaugnay sa male beauty contest.

Nagpapaganda pa ng mga katawan ng mga lalaki para sa pagsali sa mga contest na ito.

Ang iba naman ay nakokontento na maganda ang kanilang katawan at ang sabi nga ng iskolar at manunulat na si Michael Tan, marami nang lalaki na nagpapaganda ng kanilang mga katawan para sa paghanga ng kanilang kapwa lalaki.

Isa itong rebelasyon ng makabago at rebolusyonaryong pagtingin sa mga bagay-bagay sa lipunang ito, sa loob at labas ng showbiz.

***

At dahil nasa demokrasya nga tayo, tinatanggap ang anumang pag-oorganisa kabilang ang mga male beauty pageant.

Hindi nga nagpaawat ang restauranteur na Aldin Quilas ng Checkpoint sa Carmona, Cavite para mailahad ang kanyang konsepto ng pagkalalaki sa lipunang ito.

Para kay Aldin ay kailangan ding ilantad ang katawan ng lalaki lalo na kung maganda ito.

At hindi nga nagkabula ang iniisip ni Quilas dahil nagkatototo ang kanyang propesiya.

Nilikha niya kasama ang pangulo ng Carmona Gay Society na si Sonny Ermitaño ang Ginoong Kalikasan upang maipakita ang kahalagahan ng kalalakihan sa pangangalaga ng kalikasan.

Aba, nakikipagtunggali ang mga bading ng Carmona sa magandang pagtanggap sa male beauty contest sa gitna ng mga upasala ng ipokritong lipunan.

***

Sa ika-30 nga ng Abril, 2010, sa Biyernes, sa ganap na alas siyete ng gabi, gaganapin ang kauna-unahang Ginoong Kalikasan ng Carmona, Cavite sa Townhomes Covered Court Milagrosa, Carmona, Cavite.

Ang isa sa mga hurado ng timpalak ay ang isa sa mga tagapagtaguyod ng kabadingan sa Pilipinas na si Jose A. Arrogante, mas kilala sa tawag na Joey Arrogante, isang propesor ng sining at komunikasyon sa De La Salle University-Dasmariñas, Cavite.

At sa mga larawan na nakita namin sa portfolio ni Aldin na siyang sekretarya ng organisasyon, may mga karapatan ang mga bagets na contestant.

Kabilang ang mga sumusunod sa mga kandidato kabilang ang barangay na kanilang kinakatawan: Dennis Punsal (Mabuhay), Patrick John Sanqui (Milagrosa),Nathan Masotes (GMA), Carlo Pakinggan (Mabuhay) Joemel Cariño (Maduya),Jumar Ramirez (GMA),Frederico Buenaventura (San Jose),Ryan Amparo (Old Bulihan),Eric Enriquez (Mabuhay), Timothy Medrano (Altarez), Jeff Tuazon (Townhomes) and Redante Villariez ( Townhomes).

Samantala, bukod kina Quilas at Ermitaño, ang iba pang opisyales ng samahan ay si Aging Martinez.

Ang mga sumusuporta naman sa gawaing kultural na ito ay ang aktor na si Bimbo Bautista, ang kapatid ni Gilbert Remulla na si Jonvic Remulla, Dr. Christine Camba, Usec Manny de Castro at Atty. Rosalinda Camba.

***

Pero gaano katotoong hindi pinayagan ng munisipyo ng Carmona na magdiwang ng paligsahan ang grupo sa may junction samantalang bukas na bukas ang lugar?

Maalwan nga namang panooran ang malawak na kalye sa may Checkpoint.

Ayon kay Quilas, natatakot ang munisipyo na makalikha ng trapiko ang kanilang event.

“Pero hindi naman po makaka-cause ng traffic ang beauty pageant namin, e. Malawak ang daan. Ewan ko nga po ba kung bakit ganyan ang desisyon nila porke ba may ibang gay society sa aming bayan?” tanong ni Aldin.

Pulitika nga ba ang ugat nito?

Star Patrol (for Saksi, April 29, 2010)

Boy Villasanta

Ginoong Kalikasan 2010, pagpapakita ng kultura ng beauty contest ng mga lalaki

SOSYAL ang lugar ni Nini Jacinto sa may Carmona, Cavite.

Sa mga lugar na ito ng aktres nabuo at isinilang ang bagong ideya ng paligsahan sa kalalakihan.

Masyado nang tahimik ang buhay ni Nini pero hanggang ngayon ay sakbibi pa rin siya ng mga intriga at kontrobersya.

Dahil nga ba sa taglay na kagandahan at kahusayan sa pag-arte ni Jacinto kaya naman kahit na ang pagdaraos ng Ginoong Kalikasan 2010 ay parang aninong laging sumusunod sa kanya?

Masyadong rebelde at mapusok ang organizer ng Ginoong Kalikasan 2010 na si Aldin Quilas, ang kalihim ng Carmona Gay Society sa Carmona, Cavite kasama ang kanyang presidenteng si Sonny Ermitaño.

Ngayon ay nakikipagtunggali na si Aldin sa iba pang mga male beauty contest sa ating lipunan.

***

Hindi nga ba’t ang nauna nang nag-organisa ng ganitong timpalak ay si Dr. Lito de la Merced?

Si Dr. Lito de la Merced na naging manager din ni Fernando Montenegro at Pookie Moreno na naging Isabel Reyes ang screen name.

Si Dr. Lito de la Merced na family medicine practitioner.

Si Dr. Lito de la Merced na ngayon ay direktor na rin sa pelikula dahil sa kanyang mga mapangahas na pagpapamalas ng mga sekswalidad ng tao sa lipunan.

Hindi masama ang paghain ng bagong ideya sa hapag-isipan ng mga tao dahil isa ito sa mga esensiya ng demokrasya.

Kaya ang pag-iimbento nina Quilas at Ermitaño ng Ginoong Kalikasan 2010 ay napapanahon at umaayon sa diwa ng malayang pagpupulong at pag-oorganisa.

***

Ayon kay Aldin, nabuo ang konsepto ng Ginoong Kalikasan 2010 nang mapansin niyang ang pagtanggap sa mga lalaki bilang mga nilikhang may kakayahan ding magpakita ng katawang seksi ay hindi pa masyadong matanggap ng ipokritong lipunan.

Kaya ngayon ay nangangakas si Quilas, kasama si Ermitaño, na maipakita sa publiko na hindi dapat itago ang kagandahang lalaki ng isang lalaki at ang magandang hubog ng katawan nito.

Hindi lang pisikal na anyo ang mahalaga kundi maging ang panloob na mga element ng isang lalaki ay importante rin sa pagsulong ng buhay sa isang lipunan.

Kaya nga ayon kay Aldin, ang aktitud at pananaw sa buhay ng isang lalaki ay kailangang sukatin at ipagmalaki kung malawak ang isip nito sa mga bagay-bagay, isang malaking ambag sa pagsulong ng buhay.

***

Ilan lang ito sa mga panguhanging layunin at adhikain ng Ginoong Kalikasan 2010 bukod pa sa pagtataguyod sa pangangalaga sa kapaligiran.

Nang dahil sa ganitong mga gawain, ang tamang pagmamahal sa paligid ay lalo pang maiintindihan.

Baka nga ang Ginoong Kalikasan ay maging bahagi rin ng Miss Earth-Philippines dahil ang pangangalaga sa planeta sa pamamagitan ng beauty contest ng kalalakihan at kababaihan ay malaking suporta sa malawak at intelihenteng pamumuhay ng bawat Filipino.

***

Kaya makiisa na sa Ginoong Kalikasan 2010 sa Biyernes, sa ika-30 ng Abril, 2010.

Gaganapanin ang kauna-unahang Ginoong Kalikasan sa sa Townhomes Covered Court Milagrosa, Carmona, Cavite sa ganap na ikkapito ng gabi.

Ang isa sa mga hurado ng timpalak ay ang isa sa mga tagapagtaguyod ng kabadingan sa Pilipinas na si Jose A. Arrogante, mas kilala sa tawag na Joey Arrogante, isang propesor ng sining at komunikasyon sa De La Salle University-Dasmariñas, Cavite.

At sa mga larawan na nakita namin sa portfolio ni Aldin na siyang sekretarya ng organisasyon, may mga karapatan ang mga bagets na contestant.

Kabilang ang mga sumusunod sa mga kandidato kabilang ang barangay at bayan na kanilang kinakatawan: Dennis Punsal (Mabuhay), Patrick John Sanqui (Milagrosa),Nathan Masotes (GMA), Carlo Pakinggan (Mabuhay) Joemel Cariño (Maduya),Jumar Ramirez (GMA),Frederico Buenaventura (San Jose),Ryan Amparo (Old Bulihan),Eric Enriquez (Mabuhay), Timothy Medrano (Altarez), Jeff Tuazon (Townhomes) and Redante Villariez ( Townhomes).

Samantala, bukod kina Quilas at Ermitaño, ang iba pang opisyales ng samahan ay si Aging Martinez.

Ang mga sumusuporta naman sa gawaing kultural na ito ay ang aktor na si Bimbo Bautista, ang kapatid ni Gilbert Remulla na si Jonvic Remulla, Dr. Christine Camba, Usec Manny de Castro at Atty. Rosalinda Camba.

***

Pero gaano katotoong hindi pinayagan ng munisipyo ng Carmona na magdiwang ng paligsahan ang grupo sa may junction samantalang bukas na bukas ang lugar?

Maalwan nga namang panooran ang malawak na kalye sa may Checkpoint.

Ayon kay Quilas, natatakot ang munisipyo na makalikha ng trapiko ang kanilang event.

“Pero hindi naman po makaka-cause ng traffic ang beauty pageant namin, e. Malawak ang daan. Ewan ko nga po ba kung bakit ganyan ang desisyon nila porke ba may ibang gay society sa aming bayan?” tanong ni Aldin.

Pulitika nga ba ang ugat nito?

Bea Alonzo at Janice de Belen, tie sa Pasado Awards Best Actress

MAAGA pa ay nasa Quezon City Sports Club na si Janice de Belen para dumalo sa ika-12 taon ng Pampelikulang Samahan ng mga Dalubguro o Pasado, isang samahan ng mga propesor at guro sa mga pamantasan, kolehiyo, mataas at mababang paaralan sa buong Pilipinas.

Alas sais pa ang awards night ng Pasado pero marami nang nagtungo sa isang bulwagan para sa masaksihan ang isang dinner concert na handog din ng grupo sa mga tumatangkilik sa organisasyon.

Nagtanghal ang peryodistang pampelikula na si Alex Datu at ayon sa kanya, dalawang bilang ang kanyang kinanta para sa kasiyahan ng mga manonood at tagapakinig.

Nagpakitang-gilas din ang iba’t ibang mag-aaral sa kolehiyo at high school na ang mga guro ay kasapi sa Pasado kaya naman lumuwas pa ang ibang estudyante para lang makasama ang mga taga-showbiz sa pagkakataong ito.

555

Eksaktong alas sais ng gabi nang simulan nina Pil Garcia at Rosie de Ocera ang paggagawad ng mga parangal.

Nauna na sa bulwagan, bukod pa kay Janice, sina Lotlot de Leon, Gloria Romero, Ronaldo Bertubin, Cita Sarabia, Jovi Lloza, Lucy Sevilla, Jun de Leon, Soxie Topacio, Gerald Santos, Roderick Paulate at iba pa.

Nagkalat na ang mga propesor at propesora ng mga eskuwelahan sa buong Pilipinas na kasapi ng Pasado.

Karamihan sa kanila ay may hawak na cell phone na may camera at handang kumuha sa mga aksyon at eksena ng gabi ng parangal.

Nandoon ang tagapangulo ng samahan na si Dr. Emmanuel Gonzales, kilala rin sa tawag na Manny Gonzales, barkada ni Danny Vibas sa FEU kung saan maestro si Gonzales.

Naka-tuxedo pa si Manny at talagang makulay ang presensiya.

555

Nang tawagin ang pangalan ni Enchong Dee bilang Dangal ng Kabataan Awardee, wala pa ang aktor at nang dumating siya ilang minuto ang nakakaraan ay saka muli siyang tinawag at saka iniabot ang kanyang tropeyo.

Hindi nakarating si Karylle na nagwagi rin ng Dangal ng Kabataan Award para sa hanay ng mga babaing bituin pero naka-phone patch naman siya.

Nagpapasalamat si karylle at humihingi siya ng paumanhin na hindi makakarating sa pagtitipon dahil may trabaho pa.

Nang dumating si Bea Alonzo ay hindi magkamayaw ang mga titser, estudyante, tagahanga at iba pang nagmamasid at nanonood dahil biglang nagulo ang programa.

Pinagkalipumpunganan ng mga guro si Bea at kesehodang mag-ingay ang mga ito sa disin sana’y tahimik na okasyon pero hindi napigilan ang kanilang paghanga sa aktres.

Ang iba’y nagnakaw ng sandali ng pagpapakuha ng larawan sa bituin at ang iba naman ay nais humalik at makipagkuwentuhan sa kanya na pinipilit namang mapagbigyan ni Alonzo.

^^^

Lalo pang nagkagulo nang dumating si John Lloyd Cruz na naka-Amerikana at nag guwapu-guwapo.

Hindi rin magkamayaw ang mga guro, estudyante at fans sa pakikipag-unahan sa pagkamay at pagpapakuha ng litrato kay John Lloyd.

Pati na ang mga emcee ng palatuntunan na sina Pil Garcia at Rosie de Ocera kahit na nagmamestro at maestro sa programa ay hindi napigil ang pagsawata sa mga kapwa guro na tumahimik sa gitna ng disin sana’y maringal na okasyon pero hindi napigil ang mga propesor na magkagulo kay Cruz.

Nang manalo nga si Roderick Paulate bilang Pinakapasadong Katuwang na Aktor para sa “Ded na si Lolo” ng APT Entertainment, sinabi niyang “noong una, sa school, pag maingay ang klase, sasabihin ng guro, ‘Class, keep quiet.’ Ngayon, iba na, “Teachers, keep quiet.”

^^^

Nagtabla sina Bea at Janice sa pagka-Best Actress para sa pelikulang “And I Love You So” ng Star Cinema at “Last Viewing” ng Davis Entertainment, respectively.

Naiuwi naman ni John Lloyd ang Pinakapasadong Aktor para sa “In My Life” ng Star Cinema.

Samantala, ka-tie ni Roderick si Derek Ramsey para sa pelikulang “I Love You Goodbye” ng Star Cinema.

Si Ronaldo Bertubin ang nagwaging Pinakapasadong Direktor para sa “Last Viewing.”

^^^

Narito pa ang ibang gantimpala ng Pasado:

Pinakapasadong Pelikula—tatlo ang nagwagi: “Last Viewing” ng Davis Entertainment, “Ded na si Lolo” ng APT Entertainment at “And I Love You So” ng Star Cinema.

Pinakapasadong Katuwang na Aktres—Mika de la Cruz (“T2”)

Pinakapasadong Istorya—“Last Viewing” nina Romualdo Avellonosa at Ronaldo Bertubin

Pinakapasadong Sinematograpiya—Gary Gardoce ng “And I Love You So”

Pinakapasadong Editing—Manet Dayrit ng “T2”

Pinakapasadong Musika—Von de Guzman ng “Mano Po 6”

Pinakapasadong Tunog—Albert Michael Idioma ng “T2”

Pinakapasadong Pelikula sa Paggamit ng Wika—“Mano Po 6” ng Regal Films

Pinakapasadong Guro—Prof. Tecthie Agbayani

Pinakapasadong Kabataan sa Sining—Enchong Dee (Male) at Karylle (Female)

Pinakapasadong Bituin (Pasado Lifetime Award)—Ms. Gloria Romero

Dangal ng Pasado (Pasado Lifetime Award)—Diether Ocampo (Tagapagtataf ng K.I.D.S. Foundation

Pasadong Simbulo sa Kagandahang Asal—Zaijin Jaranilla (“Santino”)

Pinakapasadong Dakilang Artista ng Bayan—Nora Aunor

Star Patrol for Saksi, April 27,2010

Boy Villasanta

Best Actress si Bea Alonzo sa 12^th Pasado ka-tie si Janice de Belen

PANAHON na naman ni Janice de Belen.

Ngayong siya ay walang regular na TV show sa GMA Network, nakakalabas naman siya sa mga programa ng ABS-CBN.

At nakakagawa siya ng mga pelikula na maipagmamalaki.

Kaya nga maaga pa ay nasa Quezon City Sports Club na siya sa E. Rodriguez Avenue sa Quezon City para sa pagdiriwang.

Ka-table niya sina Ronaldo Bertubin, kilala rin sa tawag na Ronnie Bertubin.

Nandoon din ang marketing director ng mga pelikula ni Brillante Mendoza na si Jun de Leon at iba pang production staff ng kanilang pelikulang “Last Viewing” ng Davis Entertainment.

^^^

Pero bago pa ang okasyon ay may dinner concert na ang ika-12 Pasado o Pampelikulang Samahan ng mga Dalubguro.

Nag-show ang peryodistang pampelikula na si Alex Datu at bagamat hindi na namin siya narinig ay sinabi niyang dalawang bilang ang kanyang ipinarinig sa publiko.

Samantala, dahil ang karamihan sa mga miyembro ng Pasado ay mga guro sa iba’t ibang bahagi ng kapuluan, ang mga mag-aaral sa kanilang mga paaralan ay naghandog din ng mga numerong musikal.

Bongga ang Pasado sa pamumuno ni Dr. Emmanuel Gonzales, kilala rin sa tawag na Manny na barkada ng peryodistang pampelikula na si Danny Vibas at kasama sa faculty ng FEU.

^^^

Hindi magkamayaw ang mga propesor at propesora sa loob ng bulwagan na nais makibahagi sa makasaysayang paggagawad ng award sa magagaling sa pelikulang lokal noong isang taon.

Lahat halos sa mga guro o estudyante na nasa bulwagan ay may mga hawak na cell phone na may camera at handang makipag-picture-an sa mga bituin.

Kaya nga nang dumating si Enchong Dee ay nagsimula nang parang makawala sa hawla ang mga bisita.

Na-late si Enchong nang siya ay tawagin sa pagiging awardee ng Dangal ng Kabataan sa hanay ng mga lalaking bituin pero nang siya ay dumating ay tinawag muli siya at hindi na nga magkamayaw ang mga manonood.

Nagwagi rin si Karylle ng Dangal ng Kabataan sa hanay ng mga babaing artista pero hindi nakarating ang aktres kaya nasa phone patch lang siya.

“Nagpapasalamat po ako at nabigyan ako ng ganitong karangalan. Sorry po pero I will treasure this very much,” pahayag ni Karylle na nasa trabaho ng mga sandaling ‘yon.

Lalo na nang dumating si Bea Alonzo ay lalo pang umigting ang paghanga ng mga tao. Halos lahat lalo na ang mga guro ay nais maki-pose ng larawan sa kanya o kaya naman ay makahalik o makakamay sa aktres.

Hindi rin humupa ang gulo nang dumatal na si John Lloyd Cruz at nagpa-picture din ang mga guro sa kanya.

Sinabi nga ng mga emcee na sina Pil Garcia at Rosie de Ocera na kailangang mag-behave ang mga guro.

^^^

Nang manalo nga si Roderick Paulate bilang Pinakapasadong Katuwang na Aktor para sa “Ded na si Lolo” ng APT Entertainment, sinabi niyang “noong una, sa school, pag maingay ang klase, sasabihin ng guro, ‘Class, keep quiet.’ Ngayon, iba na, “Teachers, keep quiet.”

Nanudyo nga si Roderick at wala siyang pakialam kung siya man ay hindi maintindihan.

Gayunman, nagtawanan lang ang mga tao sa kanyang pagpapatawa na may laman ng parinig sa mga guro.

^^^

Nagtabla sina Bea at Janice sa pagka-Best Actress para sa pelikulang “And I Love You So” ng Star Cinema at “Last Viewing” ng Davis Entertainment, respectively.

Naiuwi naman ni John Lloyd ang Pinakapasadong Aktor para sa “In My Life” ng Star Cinema.

Samantala, ka-tie ni Roderick si Derek Ramsey para sa pelikulang “I Love You Goodbye” ng Star Cinema.

Si Ronaldo Bertubin ang nagwaging Pinakapasadong Direktor para sa “Last Viewing.”

^^^

Narito pa ang ibang gantimpala ng Pasado:

Pinakapasadong Pelikula—tatlo ang nagwagi: “Last Viewing” ng Davis Entertainment, “Ded na si Lolo” ng APT Entertainment at “And I Love You So” ng Star Cinema.

Pinakapasadong Katuwang na Aktres—Mika de la Cruz (“T2”)

Pinakapasadong Istorya—“Last Viewing” nina Romualdo Avellonosa at Ronaldo Bertubin

Pinakapasadong Sinematograpiya—Gary Gardoce ng “And I Love You So”

Pinakapasadong Editing—Manet Dayrit ng “T2”

Pinakapasadong Musika—Von de Guzman ng “Mano Po 6”

Pinakapasadong Tunog—Albert Michael Idioma ng “T2”

Pinakapasadong Pelikula sa Paggamit ng Wika—“Mano Po 6” ng Regal Films

Pinakapasadong Guro—Prof. Tecthie Agbayani

Pinakapasadong Kabataan sa Sining—Enchong Dee (Male) at Karylle (Female)

Pinakapasadong Bituin (Pasado Lifetime Award)—Ms. Gloria Romero

Dangal ng Pasado (Pasado Lifetime Award)—Diether Ocampo (Tagapagtataf ng K.I.D.S. Foundation

Pasadong Simbulo sa Kagandahang Asal—Zaijin Jaranilla (“Santino”)

Pinakapasadong Dakilang Artista ng Bayan—Nora Aunor

Lucy Torres, mananataling ipinaglalaban si Richard Gomez

ANO ang sekreto ng kapayatan at kagandahan ng katawan ni Lucy Torres?

Bakit kahit na nagkakaedad na siya ay nasa kanya pa rin ang kariktan at magandang kalusugan na hindi naman mabata at hindi rin naman payatot at lalong hindi losyang?

Bukod sa pagsayaw ay ano pa ang ginagawa ni Lucy sa kanyang katawan?

Nakapagtataka na ang isang tulad niya na may mga biyayang natatanggap sa araw-araw ay hindi naman lumalaki ang bulto.

Talagang ganyan si Lucy, masigasig sa kanyang pagpapaganda ng katawan sa anumang paraan.

Kaya naman marikit pa rin sa pananaw ni Richard Gomez ang kanyang misis.

***

Sa isang paglulunsad ng C-Lium Fiber sa Antipolo City kamakailan, sinabi ni Torres na ang simpleng lihim lang ng kanyang katawan ay ang fiber na ito na si Richard rin ang nagrekomenda sa kanya.

“Noon kasi, mga three years ago, may ibinigay sa akin si Richard, powder at walang lasa pero sinubukan ko rin. Effective sa akin kaya naman nag-stick na ako pero ‘yong hindi naman powder,” pahayag ni Lucy na magandang-maganda at matangkad pa rin.

Sinabi ng modelo na ang kanyang pisikal na pagkatao ang kanyang armas sa pag-aartista.

***

Samantala, ipinaglalaban pa rin ni Torres ang kanyang asawa sa disqualification case nito sa Commission on Elections.

Diskuwalipikado si Gomez dahil sa mga isyu ng hindi pagtira sa Ormoc City sa Leyte na kanyang distritong kinakandidatuhan sa ikaapat na distrito ng lalawigan.

Pagka-congressman ang tinatakbuhan ni Goma at nasa likod niya palagi si Lucy.

“I will be one hundred percent behind my man,” pahayag ni Lucy sa pagtitipon.

“The disqualification is on appeal kaya umaasa kami na maganda ang mangyayari sa mga ebidensiya na ibinigay namin sa hukuman,” wika ni Torres.

Gayunman, patuloy na nangangampanya si Lucy sa kanyang mga kababayan sa gitna ng kanyang kaabalahan sa pag-aartista sa Channel 5 at sa Channel 11.

***

Samantala, nanggigigil naman ang beteranong aktor na si Sergio Galang sa nagaganap sa ating pulitikal na buhay sa Pilipinas.

Sinabi ni Sergio na malapit na naman ang eleksyon at marami ring mga artistang kandidato pero para sa kanya, ang mas mahalaga ay ang pag-aasikaso sa mga inaapi sa lipunan.

Bilang isang alagad ng sining at bituin sa pelikula at telebisyon, nais ni Galang na maging mabuti na ang buhay sa ating bayan para umunlad na rin ang showbiz.

“Sana naman ay paglingkuran na mga lider natin an gating mga kababayan,” pahayag ni Sergio na itinampok sa mga pelikula ni Manny Pacquiao at sa mga TV ni Dolphy.

***

Narito ang mga text message ni Sergio sa amin:

“Ang Pilipinas ay binubuo ng LUZON, VISAYAS at MINDANAO pare-pareho tayong PILIPINO kahit anuman ang relihiyon mo magmahalan tau bilang Pilippino…

“Marami ang gustong maglingkod sa bayan, kung ang layunin ng bawat isa ay malinis, hindi ka na dapat manakit ng kapwa o mandaya.”

Star Patrol (for Saksi, April 26, 2010)

Boy Villasanta

“I will stand by my man one hundred percent”

-Lucy Torres

BONGGANG-BONGGA ang maganda, matangkad, mayaman at artekulanteng bituin, modelo at TV hostess na si Lucy Torres.

Bakit kanyo?

Kasi nga’y ang ganda-ganda pa rin ng kanyang katawan kahit a hindi na siya bumabata.

Talagang sosyal ang babaing ito na nanggaling talaga sa isa sa mga pinakamayayamang angkan sa Leyte.

Taga-Ormoc City, Leyte si Lucy at may hacienda roon ang kanyang pamilya kaya naman ang kanyang buhay ay maalwan at nasusunod niya ang kanyang naisin.

Pero ang mga ito ay kailangang bagay para mapanatili ang magandang kalusugan ng isang tao dahil nasusunod niya ang mga pagkain na masusustansiya na kailangang kainina.

Pero ang naturalesa ng isang tao, mayaman man o mahirap ay may impluwensiya sa kanyang kalusugan.

Hindi dahil sa nasusunod ang layaw sa pagkain ng isang tao ay hindi na siya magkakasakit.

May minana ang isang tao na genes o naturalesa sa kanyang mga ninuno at mahalaga itong matukoy para sa ikakaganda lalo ng katawan ng isang may kaya.

***

Kaya masyadong partikular si Lucy sa kanyang pagpayat at pag-aalis ng mga taba sa kanyang buong katawan.

Nang maging panauhin siya sa paglulunsad ng C-Lium sa Antipolo City kamakailan, lalo pang ipinagbuyangyangan ni Torres ang bukal ng kalusugan ng kanyang katawan.

“Bilib ako sa fiber powder na ito kaya naman hindi na ako bibitiw rito,” pahayag ni Torres.

“Noon kasi, mga three years ago, may ibinigay sa akin si Richard, powder at walang lasa pero sinubukan ko rin. Effective sa akin kaya naman nag-stick na ako pero ‘yong hindi naman powder,” pahayag ni Lucy na magandang-maganda at matangkad pa rin.

Sinabi ng modelo na ang kanyang pisikal na pagkatao ang kanyang armas sa pag-aartista.

***

Samantala, ipinaglalaban pa rin ni Torres ang kanyang asawa sa disqualification case nito sa Commission on Elections.

Diskuwalipikado si Gomez dahil sa mga isyu ng hindi pagtira sa Ormoc City sa Leyte na kanyang distritong kinakandidatuhan sa ikaapat na distrito ng lalawigan.

Pagka-congressman ang tinatakbuhan ni Goma at nasa likod niya palagi si Lucy.

“I will be one hundred percent behind my man,” pahayag ni Lucy sa pagtitipon.

“The disqualification is on appeal kaya umaasa kami na maganda ang mangyayari sa mga ebidensiya na ibinigay namin sa hukuman,” wika ni Torres.

Gayunman, patuloy na nangangampanya si Lucy sa kanyang mga kababayan sa gitna ng kanyang kaabalahan sa pag-aartista sa Channel 5 at sa Channel 11.

***

Samantala, nanggigigil naman ang beteranong aktor na si Sergio Galang sa nagaganap sa ating pulitikal na buhay sa Pilipinas.

Sinabi ni Sergio na malapit na naman ang eleksyon at marami ring mga artistang kandidato pero para sa kanya, ang mas mahalaga ay ang pag-aasikaso sa mga inaapi sa lipunan.

Bilang isang alagad ng sining at bituin sa pelikula at telebisyon, nais ni Galang na maging mabuti na ang buhay sa ating bayan para umunlad na rin ang showbiz.

“Sana naman ay paglingkuran na mga lider natin an gating mga kababayan,” pahayag ni Sergio na itinampok sa mga pelikula ni Manny Pacquiao at sa mga TV ni Dolphy.

***

Narito ang mga text message ni Sergio sa amin:

“Ang Pilipinas ay binubuo ng LUZON, VISAYAS at MINDANAO pare-pareho tayong PILIPINO kahit anuman ang relihiyon mo magmahalan tau bilang Pilippino…

“Marami ang gustong maglingkod sa bayan, kung ang layunin ng bawat isa ay malinis, hindi ka na dapat manakit ng kapwa o mandaya.”